Shvetsiyadagi o‘zbek tadbirkori: “Qo‘limda turli millatlar ishlaydi’’

Описание: 2000-yillar boshida Shvetsiyada Markaziy osiyoliklar asosan kichik guruhlar edi. Bugun esa ular Stokholm iqtisodiyotining ajralmas qismi — logistika, ovqatlanish sanoati va moliyaviy xizmatlarda o‘z “ekotizimi’’ga ega. Rasmiy va norasmiy ma’lumotlarga ko‘ra, hozirda poytaxtda o‘zbekistonliklarning soni 15 000 dan 20 000 gacha ekani taxmin qilinadi.

O‘zbekistonlik tadbirkorlar boshqarayotgan yuk tashish va pul o‘tkazmalari kompaniyalari yiliga millionlab dollarlik aylanmaga ega bo‘lib, bu Shvetsiya va Markaziy Osiyo o‘rtasidagi o‘ziga xos iqtisodiy hamkorlikni ta’minlamoqda. Ana shunday tadbirkorlardan biri, andijonlik Muzaffar Hojimatov.

Qariyb 20 yildan buyon Shvetsiyada istiqomat qilayotgan tadbirkor “Euroasia” kompaniyasini tashkil qiladi. Garchand Shvetsiyaga oddiy muhojir sifatida kelgan bo‘lsa-da, O‘zbekistonda bank-moliya sohasida oliy ta’lim olib, ishlagan edi.

“Musofirchilikdagi hayotimni qariyb noldan boshladim. Dastlab ko‘chada gazeta tarqatdim, til o‘rgandim, universitetlarda o‘qidim. Asl yo‘nalishim bank-moliya sohasi bo‘lgani uchun aynan pul o‘tkazish, yuk jo‘natish va aviachipta xizmatlari borasida ehtiyojlar ko‘p ekanini tushundim. 2009-yil 10-dekabrda “Euroasia” kompaniyasini ochdim. Hozirda Stokholmda 5 ta, shuningdek, Polsha, Belgiya, Niderlandiyada ofislari ochilgan bo‘lib, 30 ga yaqin odam ishlaydi...", deydi u.

Bizga obuna bo‘ling: @vatandosheu