നേതാവ് ഇങ്ങനെ ദുർവ്യാഖ്യാനിച്ചാൽ പിന്നെ അണികളുടെ വിശേഷം പറയാനുണ്ടോ ?

Описание: ഇതാണ് പ്രസിഡണ്ട് എന്ന് പറയുന്നയാളുടെ അവസ്ഥ

നമസ്കാരവുമായി ബന്ധപ്പെട്ട വിഷയത്തിലാണ് പ്രവാചകൻ (സ) ഇത് പറഞ്ഞത് എന്ന് ഈ ഹദീസ് മുഴുവൻ വായിച്ചാലും ഇതിൻ്റെ ഇതര രിവായത്തുകൾ പിരിശോധിച്ചാലും വ്യക്തമാവും.
അദ്ദേഹം ഉദ്ധരിച്ച ഹദീസിൻ്റെ പൂർണ രൂപം ഇതാണ്.
عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : " هَلْ تَرَوْنَ قِبْلَتِي هَاهُنَا ؟ فَوَاللَّهِ مَا يَخْفَى عَلَيَّ خُشُوعُكُمْ وَلَا رُكُوعُكُمْ، إِنِّي لَأَرَاكُمْ مِنْ وَرَاءِ ظَهْرِي البخاري ٤١٨

ഞാൻ ഖിബ് ലക്ക് നേരെ തിരിഞ്ഞ് നിൽക്കുന്നതിനാൽ നിങ്ങളെ കാണുന്നില്ല എന്ന് വിചാരിച്ചുവോ?
അല്ലാഹു തന്നെ സത്യം
നിങ്ങളുടെ നമസ്കാര കർമങ്ങളും റുകൂഉമൊന്നും എനിക്ക് ഗോപ്യമല്ല. എൻ്റെ പിറകിലൂടെ ഞാൻ നിങ്ങളെ കാണും."

സ്വഹാബത്തിൻ്റെ കൂടെ നബി (സ) നമസ്കരിക്കുമ്പോൾ അവരുടെ നമസ്കാരം നബി(സ)ക്ക് അല്ലാഹു കാണിച്ച് കൊടുത്തിരുന്നു. അതിന് പല കാരണങ്ങൾ ഉണ്ട്. അത് നബി(സ)യുടെ മുഅജിസത്താണ്.
അക്കാര്യമാണ് ഈ ഹദീസിലുള്ളത്.
ഈ കാഴ്ച നമസ്കാരത്തിൽ മാത്രമാണ് എന്നതിന് ഈ ഹദീസ് തന്നെ തെളിവാണ്.
നിങ്ങളുടെ നമസ്കാര കർമങ്ങൾ ഞാൻ കാണുന്നു എന്നാണ് നബി(സ) പറഞ്ഞത്.
ഇക്കാര്യം മറ്റു രിവായത്തുകളിൽ നിന്ന്
കൂടുതൽ വ്യക്തമാണ്.
ചില രിവായത്തുകൾ കാണുക.
عَنْ أَنَسِ بْنِ مَالِكٍ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ : " أَقِيمُوا الرُّكُوعَ وَالسُّجُودَ ؛ فَوَاللَّهِ إِنِّي لَأَرَاكُمْ مِنْ بَعْدِي - وَرُبَّمَا قَالَ : مِنْ بَعْدِ ظَهْرِي - إِذَا رَكَعْتُمْ وَسَجَدْتُمْ ".البخاري ٧٤٢
"നിങ്ങൾ റുകൂഉം സുജൂദും ചെയ്യുമ്പോൾ ഞാൻ നിങ്ങളെ പിറകിലൂടെ കാണുന്നു."
ഈ കാഴ്ച എല്ലാ സന്ദർഭങ്ങളിലുമല്ല എന്ന് വ്യക്തം.
മറ്റൊരു രിവായത്ത് കാണുക:
أَنَسُ بْنُ مَالِكٍ رَضِيَ اللَّهُ عَنْهُ، أَنَّهُ سَمِعَ النَّبِيَّ صَلَّى اللَّهُ عَلَيْهِ وَسَلَّمَ يَقُولُ : " أَتِمُّوا الرُّكُوعَ وَالسُّجُودَ، فَوَالَّذِي نَفْسِي بِيَدِهِ، إِنِّي لَأَرَاكُمْ مِنْ بَعْدِ ظَهْرِي إِذَا مَا رَكَعْتُمْ وَإِذَا مَا سَجَدْتُمْ ".البخاري ٦٦٤٤
നിങ്ങൾ സുജൂദിലും റുകൂഇലുമായിരിക്കുമ്പോൾ നിങ്ങളെ എനിക്ക് കാണാം.
ഇമാം മുസ്ലിം (റ)ൻ്റെ രിവായത്ത് കാണുക:

أَنَسٍ أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ : " أَتِمُّوا الرُّكُوعَ وَالسُّجُودَ، فَوَاللَّهِ إِنِّي لَأَرَاكُمْ مِنْ بَعْدِ ظَهْرِي إِذَا مَا رَكَعْتُمْ وَإِذَا مَا سَجَدْتُمْ ".٤٢٥

അപ്പോൾ ഞാൻ നിങ്ങളെ പിന്നിലൂടെ കാണും എന്നത് നമസ്കാരത്തിൽ മാത്രമാണ് എന്ന് വ്യക്തമാണ്. അത് എപ്പോഴും സംഭവിക്കുന്ന ഒന്നല്ല എന്ന ഹദീസുകളിൽ നിന്ന് തന്നെ വ്യക്തമായി.

2-ഈ ഹദീസിൻ്റെ ശർഹിൽ ഇമാമുകൾ പറഞ്ഞത് എന്താണ് എന്ന് പരിശോധിക്കാം.
ഇബ്നു ഹജർ അസ്ഖലാനി (റ) പറയുന്നു.
وظاهر الحديث أن ذلك يختص بحالة الصلاة،
"ഇത് നമസ്കാര വേളയിൽ മാത്രമാണ് എന്നതാണ് ഹദീസിൻ്റ ബാഹ്യാർത്ഥം "
(ഫത്ഹുൽ ബാരി )

ഈ കാഴ്ച മരണശേഷവും ഉണ്ടാവും എന്ന് വാദിക്കുന്നവരെ ഇമാമുകൾ ഖണ്ഡിക്കുകയാണ് ചെയ്തിട്ടുള്ളത്.
ഇമാം നവവി(റ) പറയുന്നു.
قال القاضي عياض: وحمله بعضهم على بعد الوفاة، وهو بعيد عن سياق الحديث
"ചിലർ ഇതിനെ മരണ ശേഷമെന്ന് വ്യാഖ്യാനിക്കുന്നു. ഹദീസിൻ്റ സന്ദർഭം പരിഗണിച്ചാൽ തന്നെ ആ അഭിപ്രായം സത്യത്തിൽ നിന്ന് വളരെ വിദൂരമാണ് എന്ന് വ്യക്തം
(ശർഹു മുസ്ലിം)

അപ്പോൾ സത്യമല്ലാത്ത ഒരു വ്യാഖ്യാനമാണ് എന്ന് ഇമാം ഖാളിഇയാളും ( റ )ഇമാം നവവിയും (റ) സാക്ഷ്യപ്പെടുത്തിയ വ്യാഖ്യാനമാണ് ഇയാൾ കടപ്പുറത്ത്
ശരിയായ വ്യാഖ്യാനമായി
അവതരിപ്പിച്ചത്.
ഇത് വഞ്ചനയും തട്ടിപ്പും
ശുദ്ധമായ ദുർവ്യാഖ്യാനവും ആണ്.