“Kemi zero besim tek institucionet tona”, Gjergj Bojaxhi: Paguan çmimin ekstra për frikën

Описание: Çmimet e shtrenjta për produktet ushqimore padyshim janë një barrierë për ekonominë familjare shqiptare.

Pikërisht për këtë temë po diskutohet në emisionin “Opinion” në Tv Klan, ku i ftuar është dhe Gjergj Bojaxhi.

Ky i fundit, duke folur për këto çmime, u shpreh fillimisht se besimi ynë tek institucionet shtetërore për kontrollin e ushqimeve, është i ulet, madje “zero” siç shprehet ai.

Për këtë arsye, shqiptarët shpesh herë i drejtohen produkteve me çmim më të lartë, e që sigurojnë prejardhjen e tyre nga një shtet i huaj, siç mund të jetë për shembull, Italia. Pagesa e një produkti të huaj më shtrenjtë, për Bojaxhin, është si një formë “sigurie” për konsumatorin, që ky i fundit merr një produkt më cilësor.

“Ne kemi zero besim tek institucionet tona shtetërore. Jo pa të drejtë. Ne mendojmë se në Shqipëri ushqimet tona nuk janë cilësore, nuk janë te kontrolluara. Dhe, ai çmim ekstra që ke atje, është pagesë për frikën. Ti e blen më shtrenjtë, se kur e di që vjen nga Italia, ke të paktën siguri. Ajo shtresë që e ka mundësinë, se jo të gjithë e kanë mundësinë, ajo shtresë, paguan ekstra, vetëm për sigurinë mendore”, tha ai.

Sakaq, Bojaxhi analizon se në vendin tonë ka "përplasje" midis prodhuesit e konsumatorit, duke sjellë si shembull humbjet e fermerëve në vend me prodhimet e tyre, si dhe konsumatorët që përfundojnë duke blerë këto produkte, të importuara, e me çmim më të lartë.

“Ajo që unë shikoj, është se ne jetojmë në një vend me paradokse. Nga një anë, ne kemi fermerë që nuk shesin dot mallin sepse nuk u del kostoja, çmimi. E hedhin mallin, u prishet, sepse çmimet janë shumë të ulëta dhe ata nuk prodhojnë dot për ta nxjerrë me atë çmim në treg. Nga ana tjetër, ne kemi konsumatorin, të paktën një pjesë të konsumatorit shqiptar, që përfundon duke paguar çmime shumë më të larta seç ka rajoni, e shumë më të larta”, tha ai.
Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio.
SUBSCRIBE to "RTV KLAN" on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Opinion #BlendiFevziu #TVKlan