Dhaddacha Jaalalaa 10: Jaartii tiyya dhoysee jaartii 2ffaa fuudhe...

Описание: Iyyannoo duraa.
An maqaan koo M.D jedhama. Yeroodhaaf biyya arabaa keessa jiraadha. Yeroo biyya jiru achitti bultii jaarradhee jaartii tiyya wajjiin jiraachuu ture. jaartii tiyya haalaanin jaaladha. Garuu dirqamni jiruu adda nu baasee, jaartii tiyya jaalatamtuu biyyatti dhiisee gama biyya arabaa dhufee carraaqqachuu eegale. Garuu biyya arabaa kana keessa kophaa kiyya jiraachuun haalaan natti ulfaate. Achi booda intala takkaan wal jaalannee nikaaya hidhannee bultii eegalle. Intala biyya arabaa jirtu tana wajji wayta bultii jaarachuuf murteeysinu, Amma dura akkan hin fuudhiniifi nama kophaa jiraatu akkan tahe himeef. Jaartiin tiyya ta biyya jirtus waan kana quba hin qabdu. Wayta telefoonaan wal dubbisnu kophaa kiyya akka jiru himeefii itti kijiba. Gama lameenittuu dubbii sobaa dubbachutti jira. Amma yoo Rabbi fedhe jaartii tiyya tan biyya arabaatti fuudhe tana qabadhee gara biyyaa galuu fedha. Tan biyya jirtu akka an jaartii 2ffaa fuudhe yoo dhageeyse, wal dhabna jedhee sodaadhe. Tan as jirtus yoo dubbii tana beeyte adda baana jedhee yaaddoo keeysa seene. Booda nama lama dhabu akka hin taane if shakkee gama keeysan dhufe. furmaanni kiyya maali? Akkam tahuu qaba? mee maal na gorsitan?

Iyyannoo 2ffaa

Ani maqaan koo M.B jedhama. Abbaan Manaa koo hedduu na jalata anis akkasuma. eega nikaaha hidhannee waggaa tokko guunee jirra. Garuu qaamaan wal hin argine. Kanaaf yeroo heddu naaf bilbilee telefoonaan haasawa jaalalaa naan haasawa. Telefoonuma keessaan fedhinnaa kiyya naaf guuti, sitti qanani’aa naan jedha. Sabababaa kanaaf wayta inni telefoona naaf bilbilu, sabaa adda addaa godhee telefoona jalaa kaasuu dida. Yoo telefoona kaase waan inni naan jedhe guutuufii qaba. yoo waan inni narraa barbaadu guutuufii dide ammoo, jaalala inni naaf qabutu hir’ata jedhee sodaadhe. Kanaafin gama keessan iyyadhe. iyyannoo kiyyaaf murtii abbaa murtii eeggadha.





Copyright: Nuuralhudaa Media 2023
Any illegal reproduction of this content will result in immediate legal action.