Енді Қазақстан азаматтарын кіргізген казино иелері 6 миллион теңгеден астам айыппұл арқалайды

Описание: Енді Қазақстан азаматтарын кіргізген казино иелері 6 миллион 487 мың теңге көлемінде айыппұл арқалайды. Тіпті лицензиясынан да айырылуы ғажап емес. Бірақ, бұл тәртіп тек жаңадан ашылғалы отырған құмар ойын алаңдарына қатысты қолданылмақ. Яғни, Каспий теңізі мен Алакөл көлінің жағалауында, Талғар, Марқакөл және Зайсан аудандарында бой көтеретін казинолар тек шетелдіктерге қызмет көрсетеді. Сәйкесінше, қазақстандықтарға кіруге тыйым салынады. Осылайша, елімізде ойын бизнесіне рұқсат етілетін аумақтардың тізбесі кеңейтілгелі отыр. Демек, Қапшағай мен Бурабайдың қатарына Маңғыстау, Жетісу, Алматы және Шығыс Қазақстан облыстарындағы туристік аймақтар қосылады. Бұл бастама өңірлерге келетін шетелдік саяхатшылар мен инвесторлардың санын арттыруға ықпал етпек. Әрі, казиноға келушілерді бақылау да айтарлықтай қатаңдайды.
СЕРІК ЖАРАСБАЕВ, ҚР туризм және спорт министрінің орынбасары:
Мысалы, казиноға қандай да бір себептермен Қазақстан азаматы кіргені анықталса, бірінші кезеңде айыппұл салынады. Оның көлемі 300-ден 500 айлық естептік көрсеткішке дейін барады. Ал, тәртіпті екінші рет бұзса, әкімшілік жаза мөлшері 1500 айлық есептік көрсеткішті құрайды. Егер заңбұзушылық жүйелі сипатқа ие болса, казино лицензиясынан айырылады. Демек, оларға қазақстандықтарды кіргізу тиімсіз болады.
#Информбюро #31арна #БастыЖаңалықтар #Новости #31канал