මලීට අසාධාරණයක් වුණේ නැහැ සමාධි අරුණචායා කියයි

Описание: මලීට අසාධාරණයක් වුණේ නැහැ සමාධි අරුණචායා කියයි
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි නාට්‍යය හරහාද ප්‍රේක්ෂකයන් හමුවට පැමිණෙයි. කලක් රංගනයෙන් ඈත්ව සිට නැවතත් රඟපෑමට එක්ව සිටින සමාධි සිය නවතම තොරතුරු සමගින් මෙලෙස සංවාදයට එක්වූවාය.

අදටත් සමාධිට ඉහළ ප්‍රේක්ෂක ප්‍රතිචාර ලැබෙන්නේ මලී නිසා කීවොත් නිවැරදියි නේද?
ඔව්, වෙනත් ටෙලි නාට්‍යයක රූගත කිරීමකට ගියත් එතැනට එන අය මට කතා කරන්නේ මලී කියලාම තමයි. මග තොටේදී පවා තවමත් මලීට ප්‍රතිචාර තියෙනවා.

මලී ටෙලි නාට්‍යයේ ප්‍රධාන චරිතය රඟපෑවත් ඔබ සිඳු තුළින් දකින්නට ලැබෙන්නේ ඉඳහිට නේද?
'සිඳු' ටෙලි නාට්‍යයේ ප්‍රධාන චරිත විදිහට ගලාගෙන යන්නේ ළමා චරිත. ඒ නිසා සිඳු, සෝරත ‍පොඩි හාමුදුරුවෝ වැනි චරිත තමයි නිරතුරුව ටෙලි නාට්‍යයෙන් මතු කරන්න උත්සාහ කරන්නේ. මම සිඳුගේ අම්මා. මගේ චරිතය කතාවට අවශ්‍ය විදිහට අවශ්‍ය තැන්වලදී තමයි මතුවන්නේ.

ප්‍රධාන චරිතයකින් ප්‍රේක්ෂකයන් අතරට ඇවිත් උප ප්‍රධාන චරිතයන්ට යොමුවීම 'මලීට වූ අසාධාරණයක් කියලා හිතෙන්නේ නැද්ද?
එහෙම කියන්න බැහැ. 'සිඳු' ටෙලිනාට්‍යයේ මලී උප ප්‍රධාන චරිතයක් නමෛයි. සිඳු ටෙලි නාට්‍යය විකාශය වෙන්නේ 'මලී- 3' නමින් ඒ නිසා මේ නාට්‍යයේත් මලීගේ චරිතය කේන්ද්‍ර ගත වනවා. රඟපාන ජවනිකා සංඛ්‍යාව අනුව ‍නෙවෙයිනේ. චරිතයක් ප්‍රධානද උප ප්‍රධානද කියලා තීරණය වන්නේ. ඒ හින්දා 'සිඳු' තුළින් මලීට අසාධාරණයක් වුණේ නැහැ කියලා මට හොඳටම විශ්වාසයි.

දැන් දියණිය එක්ක ගෙවී යන ජීවිතය ගොඩක් සුන්දර ඇති නේද?
අ‍පොයි ඔව්, දුවට (සනල්යා සවුමදී මොරගොල්ල) දැන් වයස අවුරුදු 2 1/2යි. දැන් අම්මා, අප්පච්චි වගේ වචන කෑලි කියනවා. 'සිඳු' ටෙලිනාට්‍යයේ සිංදුව ඇහෙනකොටම රූපවාහිනිය ළඟට දුවලා එනවා. මාව දකිනකොටම 'අම්මි...අම්මි. කියලා හැමෝටම පෙන්වනවා. මම ෂූටිංවලට ගියාම කවුරුහරි අම්මි කෝ කියලා ඇහුවොත් ටී.වී. එක පෙන්නලා ගියා කියලා කියනවාලු.

ඔබටයි ඔබේ සැමියා සංජයටයි නිෂ්පාදන ආයතනයක් තියෙනවා. මේ නිසා මතු දාක දියණියට රංගනයට පිවිසීම පහසු වේවි..?
දුවව රඟපෑමට එවනවාද කියලා තවම මමයි සංජයයි තීරණය කරලා නැහැ. ගෑනු ළමයෙක් මලක් වගෙ පරිස්සමින් හදන්න ඕනෑ කියලයි අපි හිතන්නේ. කොහොමටත් ගොඩක් ‍පොඩි වයසෙදී නම් දුවව ටෙලි නාට්‍යයවලට යවන්නේ නැහැ. තේරෙන වයසකදී එයා කැමති නම් ඒ ගැන සලකා බලනවා.

සමාධි ඉදිරි කාලයේදී දැකගන්නට ලැබෙන්නේ මොන විදිහේ නිර්මාණවලද?
අපි නිෂ්පාදනය කරපු උක්කුවා සහ පිනි වහින දා ටෙලි නාට්‍ය ඉදිරියේදී විකාශය වේවි. දුව හින්දා කාලයක් රංගනයෙන් ඈත් වෙලා ඉඳලා සිඳු ටෙලිනාට්‍යයට එකතු වුණේ ඒ කතාවට මලී ගෙ චරිතය අත්‍යාවශ්‍යම නිසයි. දැන් ආයෙම රඟපාන්න එන්න පුළුවන්. ඒ නිසා සුදුසු චරිතයක් ලැබුණොත් ඉදිරියේදිත් භාර ගන්නවා.

ආරියවංශ කුලතිලක


යෝනි දෙකේ අරුම පුදුම ගැහැණිය
හිමාලි තනිවම ළමයා හදාගෙන ජිවත් වෙනවාලු
යශෝධා විමලධර්ම විවාහ වෙයි Yashodha's Wedding Free shoot
මාතර කෝච්චියට බෙල්ල තියපු ලහිරුගේ කතාව
නිළි රිතූ ආකර්ෂා ඩෙංගු හැදිලා මියගිය කතාවේ ඇත්ත
අමිල අබේසේකර කසාදය හා වෙන්වීම ගැන කතා කරයි
ජපානයේ සිටි උමාලි හදිසියේම ලංකාවට ආවේ ඇයි
බයික් වලට ආසාකල කේසර කුලියාපිටියම හඬවා බයික් එකෙන් අවසන් ගමන යයි
volga and harshana home coming party හර්ෂණ වොල්ගා දෙවැනි ගමන සාදය