Капучино торта без печење

Описание: Оваа торта е кремава, богата со вкус на кафе и претставува вистинско слатко задоволство кога посакувате да подготвите нешто благо а не сакате да поминувате долго време во кујната. Комбинацијата на слатка павлака и капучино е вистинско сладострастие на вкусови за кои сум сигурен дека ќе ви се допаднат.
Ајде да ја подготвиме оваа неодоливо вкусна и брза капучино торта.

Потребни состојки:

1 л. Слатка павлака
10 лажици шеќер
6 јајца
1 кг бисквити
млеко за потопување на бисквитите
5 лажици капучино

Најпрво во длабок сад изматете ја слатката павлака во цврста шлаг пена. Матете со миксер околу 7-8 минути додека не добиете многу густ шлаг.
Во друг длабок сад изматете ги јајцата заедно со шеќерот околу 10 минути, додека тројно не го зголемат својот волумен.
Соединете ги изматената шлаг пена и изматените јајца заедно и додајте го капучиното. Добро промешајте и подготвениот фил ставете го на страна.
Земете калап каде што ќе ја наредите тортата и наредете еден ред со бисквити кои претходно ќе ги потопите во млеко. Нанесете од филот со капучино и премачкајте со помош на шпатула. Повторете повторно уште еден ред со потопени бисквити во млеко и филот со капучино. Премачкајте и постапката повторете ја се додека не ги потрошите бисквитите и филот. Премачкајте ја цела торта со преостанатиот фил и оставете да се стегне околу 3-4 часа во ладилник.
Пред сервирање наросете ја цела торта со какао и пресечете парче. Послужете со шолја кафе.
Камера јас) Со само неколку состојки до совршена торта без печење. Не чекајте, точните мерки за состојките ќе ги најдете во описот на ова видео, подгответе ја уште веднаш и испратете ми фотографија од крајниот резултат.
Не заборавајте да ставите SUBSCRIBE, а ние се гледаме наскоро со ново јутуб видео, а до тогаш имајте забавно готвење!