Arben Ahmetaj asnjë post në PS, si u la në hije një prej bashkëpunëtorëve më të ngushtë të Ramës

Описание: Pas 9 vitesh Arben Ahmetaj nuk do të ketë asnjë post të rëndësishëm në Partinë Socialiste.

Një ditë më parë, kryeministri Rama vendosi ta largonte edhe nga drejtimi i qarkut të Vlorës. Tanimë ai do të ushtrojë vetëm detyrën e deputetit.

Arben Ahmetaj e ka nisur angazhimin në Partinë Socialiste që në kohën kur në pushtet ishte Fatos Nano.

Në atë periudhë, ai ishte përfaqësuesi i Shqipërisë në procesin e negociatave me Bashkimin Europian lidhur me marrëveshjen e stabilizim asocimit.

Në vitin 2009 Ahmetaj u zgjodh për herë të parë deputet në qarkun e Korçës. Ngjitja në karrierë fillon kur socialistët vijnë në pushtet në 2013-ën.

Asokohe, Ahmetajt iu besua posti i ministrit të sipërmarrjes. Pas 3 vitesh në këtë institucion, ai largohet dhe merr në dorë financat e shqiptarëve.

Në 2018-ën, vendin e Ahmetaj tek financat e zë Anila Denaj. Nuk kalon as 1 vit jashtë qeverisë dhe Rama vendosë ta rikthejë në kabinet.

Tërmeti i 2019-ës bëri që Ahmetaj në dhjetor të po këtij viti të merrte drejtimin e ministrisë së shtetit për rindërtimin.

Bashkëpunimi Ahmetaj-Rama u bë edhe më i ngushtë në shtator 2021, kur kreu i qeverisë vendosi ta ketë në krahun e tij të djathtë në kabinet, në detyrën e zëvendës kryeministrit.

Me dy poste të rëndësishme në qeveri, Ahmetaj ishte kthyer në një ndër personat më të besuar të Edi Ramës.

Për të nuk kanë munguar akuza nga opozita për çështjen e inceneratorëve.

Në korrik të këtij viti, kryeministri Rama që e promovoi në disa detyra vendosi ta shkarkojë nga detyra e zv. kryeministrit me argumentin se në këto momente prioritet për Shqipërinë ka procesin i anëtarësimit me Bashkimin Europian.



Ndiqni faqen tonë zyrtare të internetit https://euronews.al/al për t’u informuar mbi lajmet kryesore nga vendi, rajoni dhe bota.

Abonohuni në kanalin tonë në YouTube: https://bit.ly/3oEW3AU
Na ndiqni në Instagram:   / euronews_al.  .
Facebook:   / euronews.al  
Twitter: https://twitter.com/EuronewsAlbania#E...#LajmiFundit#Euronewsalbania