Ресей-Украина: Тоқтамға келудің ауылы алыс сияқты

Описание: Түркиядағы Ресей мен Украина келіссөздерінен жарытымды нәтиже жоқ деуге болады. Екі жақтан мың тұтқыннан алмасумен шектелді. Одан бергі күндері әлемді серпілтетіндей жаңалық шықпай тұр. Ал атыс-шабыс тоқтамай жатыр. Керісінше, соңғы күндері екі жақтың бір-біріне шабуылы үдеп барады. Келіссөздер ары қарай Түркияда жалғаспауы да мүмкін. Дегенмен Түркия келіссөздер үшін барлық дипломатиялық жағдайды жасады. Ресей жағы Түркияның араағайындық әрекетін жоғары бағалады, бірінші раунд жақсы аяқталды десті. Келіссөздердің ендігі кезеңі қайда жалғасатыны әзірге белгісіз. Швейцария емеурін танытқан екен. Бірақ бұл нұсқа Ресейге ұнамайцды. Себебі Швейцария бұрынғы бейтараптық ұстанымнан шығып, бүгінде НАТО-мен жақындасып кеткен. Ресейге келіссөздерді Ватиканда жалғастыру да ұнап отырған жоқ. Себебі Ватикан діні бөлек орта. Қалай болғанда да, келіссөздердің жалғасы қайда алып барары бұлыңғыр. Соғысты тоқтату мәселесіне Ресейдің өзі енжар қарайтын сияқты деген пікір басым.



Telegram - t.me/negemedia
Instagram - @negekz
Facebook - @nege.kz
Cайт - https://nege.kz/

#негекз #negekz #жаңалықтар