လေးကေ့ကော် အောင်ပွဲ (FEATURE)

Описание: ရန်ကုန်မြို့ပြရဲ့ “နန်းထိုက်အောင်”စစ်ဆင်ရေးကို အားရ ကျေနပ်နေတဲ့ မြန်မာပြည်သူတွေကို လေးကေ့ကော် အောင်ပွဲ သတင်းလေးကိုလည်း ငွေမောင်းသံမီဒီယာက မျှဝေတင်ဆက်ပေးချင်ပါတယ်။

ကရင်ပြည်နယ်၊ မြဝတီမြို့အနီးက ငြိမ်းချမ်းရေးမြို့လို့ လူသိများတဲ့ လေးကေ့ကော်မြို့သစ်မှာ ဧပြီလ ၁၀ ရက်၊ ဒီကနေ့ တစ်နေ့လုံး KNLA ပူးပေါင်းတပ်ဖွဲ့တွေနဲ့ အကြမ်းဖက်စစ်ကောင်စီတပ်တွေ တိုက်ပွဲဖြစ်ပွါးနေခဲ့ပါတယ်။

ဒီကနေ့မနက် ၃ နာရီမထိုးမီ မှောင်နဲ့မဲမဲအချိန်ကြီးမှာ အကြမ်းဖက် စစ်ကောင်စီရဲ့ တပ်မ ( ၄၄ ) လက်အောက်ခံတပ်တစ်တပ်ဖြစ်တဲ့ ခမရ (၂၀၇) တပ်ရင်းက တပ်ရင်းမှူး သက်နိုင်ဦး ဦးစီးလာတဲ့ ရန်သူစစ်သား ၄၅ ဦးပါ စစ်ကြောင်းဟာ လေးကေ့ကော် မြို့သစ်အတွင်းကို တိတ်တဆိတ် ချဉ်းနင်းဝင်ရောက်လာခဲ့ပါတယ်။ အမှောင်ထုကို အားကိုးပြီး အကြမ်းဖက်စစ်သားတွေ ကျူးကျော်ဝင်ရောက်လာပြီးနောက်မှာ စွယ်တော်ကုန်းနှင့် လက်ခတ်တောင်တွေမှာ အခြေစိုက်ထားတဲ့ အကြမ်းဖက်စစ်ကောင်စီရဲ့ အမြှောက်တွေကလည်း တရစပ် ပစ်ကူပေး ပစ်ခတ်ပေးခဲ့တယ်လို့ သိရပါတယ်။