اهم ٣ طرق لتعلم اللغة الألمانية🇩🇪 من الصفر !

Описание: اهم ٣ طرق لتعلم اللغة الالمانية!

اولاً: وجاهي
هاي الطريقة اللي أنا تعلمت فيها اللغة واللي بشوفها انسب اشي لأنه بكون في شخص بصححلك اخطائك فوراً وبكون في حدا متابعك وبتلتزم بالمواعيد بدون ما تأجل زي التعليم الاونلاين ، وين أنا أخذت ؟ اخذت لحد مستوى B1 مع الدكتورة وجد الفقهاء في مركزها باربد - الاردن والي بعمان او خارج الاردن فبنصحه بمعهد غوتة

ثانياً: حصص تفاعلية اونلاين
للي ما عندهم وقت او اللي بحبوا يدرسوا من البيت فبنصحهم بمعهد غوتة ،معهد غوتة عندهم رقابة شديدة على الطلاب اللي بوخذوا معهم حصص تفاعلية صح رسومه تعتبر أغلى بشوي من غيره لكن إذا ما بدك توخذ وجاهي ،خلي خيارك بالاونلاين معهد غوته

ثالثاً: اليوتيوب
في كثير قنوات على اليوتيوب بتشرح لغة المانية زي Deutsch mit Mira و مستر شحاته وغيرهم كثير ،لكن باليوتيوب مش كل الطلاب بتلتزم بالحصص بإلإضافة انه بعض القواعد او الحصص ممكن ما يفهمها الطالب فببحث كثير حتى يفهم المعلومة

الخلاصة: أنا بفضل التعلم الوجاهي لأنه لغة جديدة بدك تأسس حالك كويس وتسأل عن تفاصيل كثيرة أما إذا ما كان عندك وقت ومضطر تتعلم اللغة حتى تسافر بأسرع وقت خذ اونلاين ، اما اليوتيوب في حال ما كان عند الطالب قدره ماديه فبإمكانه يدرس اللغة من اليوتيوب ، وعدد كبير جدا من الطلاب درسوا اللغة على اليوتيوب ونجحوا بامتحانات اللغة وأمورهم ماشية

بالنهاية اهم اشي في تعلم اللغة بغض النظر عن الطريقة هو انك تبلش و تصبر على اللغة ،اللغة حلوة بس بدها صبر


‏#explore #اكسبلور #اللغة_الالمانية #germany #