عسكر البارود | كلمات مطرب بن دحيم | اداء خالد ال بريك | تاريخنا اللي علق الامجاد فوق الفرقدين 2025

Описание: دارت دواليب الدهر ماحيت قلوب الميتين
يامل قلب كل مادرات عليه ( تعذبه ) ..!
'
مثل الغريب اللي وقف في وجه دورات السنين
والوقت ياكل من طرف كبده وقلبه وعصبه
'
كنه يشوف الموت الاحمر في وجيه العابرين
ان صد صده ينكبه وان شاف شوفه ينكبه
'
متمسكن بالعروه الوثقى وبالحبل المتين .
ويجنب الكوره عن المرمى وهي في ملعبه .
'
الناس صايبهم بلا مثل الكتابه فـ الجبين
تغيّرت حتى مفاهيم الكتب فـ المكتبه .
'
الطيب لو انه سهل ماتعب عزوم الطيبين
والمجد سلّم من تجود فيه يطلع مرتبه

والضعف لو انه وبا يوخذ لقاحه ( مرتين )
كان اكبر اللي يدعون الطيب فار التجربه
'
والشعر امانه والامانه في رقاب المسلمين
واللي يضيع شي من دينه يضيع ( مذهبه )

والناقدين اللي منول كلهم مستشعرين
اكبر دليل لقلة الحيله وضعف الموهبه )
'
شرهة وسيع المعرفه على عشير الغانمين
النار تشعم فـ المناره [ والوجيه مشببه ]
'
سلام ياتاج الشموخ وهيبة الحصن الحصين
يامنجم فعول الرجال وعنفوانه وذهبه ..
'
تاريخنا اللي علق الامجاد فوق الفرقدين
يوم الخيول تموج والحافر يثير الاتربه .
'
حنا خوال محمد الهادي كعام المعتدين
عتيبه الهيلا ، مثل سحم الذياب المرعبه
'
ياعسكر البارود مادون الحلوق الا اليدين
وانتم حلوق الحق ويدين الفعول المرهبه
'
اليا ثنا ساق القثامي دون جرعات الحنين
يطيح لجل عيونها بيرق وتسعين رقبه .
'
انتم هل الوضحا الشناح وشوق وضاح الجبين
واهل الظفر واهل المغازي والحميا الموجبه .
'
ياجعل ابو هاني ينعّم في رياض الصالحين
النادر اللي لاحدٍ ذمه ولا احداً ( عذربه )
'
فيصل يبين وخصم فيصل فـ اللوازم مايبين
الشايب اللي شايعٍ صيته وطيب منسبه
'
هذا دهاسيٍ يلز الموت بالجنب المتين .
مالينت راسه صروف الوقت وارخت منكبه
'
اليا حضر ماصبو الفنجال الاول من يمين
ينساق له فـ الصدر فنجال الفعول ويشربه
'
عقب حرارً يرفعون الراس بين المسلمين
كواسرٍ كلٍ يثاني - دون هيبة ( مرقبه ) .
'
عبدالمجيد وهاني ان عدو هل الفعل الثمين
خير الخلف والعرق الاول كل طيب ينتبه .
'
هم والله العد الرهاري في نحور الواردين
يوم الدهر والارض حمرا والعدود مغثربه
'
ماحازو الا قو راس وقو عزم وقو زين
واطيب ماحازوه الرجال اهل العزوم المتعبه
'
واليا نشد ذكر الحيا والطيبين يبين وين ؟
اقول عند عيال فيصل تعرفون الاجوبه .