Mavrigi Bukhoro_1

Описание: "Mavrigi" ensemble from Bukhara, Mavrigi folk music concert LYRICS:
Ҳай ҷон, маҳбубам, матлубам, ёр
Холи лабатон шавад насибам, ёр
Гуфтам ки магар ба иттифоқи асҳоб
Дар мавсими гул тар кунам бодаи ноб.
Булбул зи чаман наъразанон дод ҷавоб
Ки эй бехабарон, фасли гулу барги шароб

Гар худоро дӯст дорӣ, як шабе танҳо биё
Як шабе танҳо биёю лаблаби дарё биё
Ҳамчу оҳуи хутан аз домани саҳро биё
Ёри ман лайло биёю, ҷони ман дарё биё

Оташ ба дидаро лаби дарё чи фоида ёр,
Девонаям, насиҳати доно чӣ фоида ёр
Оҳу ба дашт медавиду нола мекашид, ёр
Сайёди бекамон давидан чи фоида, ёр

Он ба булбуле замзаме бунёд мекунад
Аввал ба назди барги гулаш ёд мекунад
Теғе ба даст гирифта истода айвони бесутун
Даъвои хуни ноҳақи Фарҳод мекунад

Диламро аз ғамат девона кардӣ,
Сафои нозукум савдо накардӣ
Надонистам ки бемеҳру вафоӣ
Ту ин шаҳри ишқи ман вайрон кардӣ

Ба ёдам омадӣ ҷоно, дилам садпора мегардад
Давои пораи дил бӯса аз лаб чора мегардад
Аҷаб мӯе, аҷаб рӯе, аҷаб маҳбуби дилҷӯе
Ба пеши ҳусни рӯят моҳи нав сайёра мегардад

Ҳар куҷо лаъли ту рангин хандаи мастона рехт,
Аз хиҷолат оби гавҳар чун май аз паймона рехт
Дарди ошиқ ба маъшуқ бештар дорад асар
Шамъ то ашке бияфшонад, пари парвона рехт
Ҳасрати васли ту буд осоиш аз дунё даме
Партави шамъе шабе хуне дар ин вайрона рехт
Ҳар куҷо Бедил мукофоти амал гум карданист,
Мавҷи хобби махмалӣ гул бештар дурдона рехт

Дод, маҳбубам, матлубам, дод худоё...

Даме бо ғам ба сар бурдан ҷаҳон яксар намеарзад
Ба май бифрӯш далқи мо, ки аз ин беҳтар намеарзад
Ба кӯйи майфурӯшонаш ба ҷоме барнамегиранд
Зиҳӣ саҷҷодаи тақво, ки як соғар намеарзад