Tural Abbaslı və deputat Erkin Qədirlinin debatı! CANLI

Описание: Bu gün erməni-daşnak-bolşevik cəlladlarının azərbaycanlılara qarşı etnik təmizləmə - soyqırım həyata keçirmələrindən 103 il ötür. Allah şəhidlərimizə rəhmət eləsin, ruhları şad olsun. Düşmən qəhr olsun, lənətə gəlsin.

Ermənistan 10 noyabr və 11 yanvar bəyanatlarında götürdüyü öhdəliklərə riayət eləməmək üçün iqtidar dəyişikliyinə gedə bilərmi? Bunun hüququ əsası ola bilərmi; əgər Ermənistanın 1-ci şəxsi və ümumiyyətlə hakim komandası dəyişsə? Paşinyan seçkilərdə uduzsa, iqtidarda qala bilməsə bu məsələ necə olacaq? Ondan sonra gələn qüvvə Ermənistanı bu məsuliyyətdən yayındıracaqmı? Bu sənədlər Paşinyana və onun iqtidarına aiddir, yoxsa Ermənistan dövlətinin götürdüyü hüquqi öhdəlikdir?
Azərbaycanla Türkiyə hərbçiləri Spartada birgə dağ təlimləri keçiblər. Bu ilin yanvarında da Qarsda bu tip təlim keçirildi. Azərbaycan müharibədən sonra daha fəal müharibə hazırlıqlarını davam etdirir. Ermənilərin revanş istəyinə qarşı bu dəfə Azərbaycan ordusu daha genişmiqyaslı hərbi əməliyyatlar keçirib, yerdə qalan torpaqlarını da azad edəcək. Ordumuz qələbədən sonra arxayınlaşmayıb, əksinə, formada qalmaq üçün gərəkəndən artıq çalışır. İlham Əliyev dəfələrlə deyib ki, ermənilər çaşsa, dəmir yumruğu başlarının üstündə görəcəklər.

AZAL və ADY ilə bağlı Prezidentin dünən imzaladığı fərmanların açılımı nədir? Nələr baş verir?

Nəcməddin Sadıkovu gerçəkdən Rusiyamı müdafiə edir? Əgər Rusiya dövləti, onun prezidenti Azərbaycan hakimiyyəti, prezidenti ilə yüksək səviyyədə əməkdaşlıq edirsə, aralarında dost münasibəti varsa, bütün məsələlərdə anlaşa bilirlərsə, heç bir problem yoxdursa, N.Sadıkovu nədən müdafiə etsin, qorusun, qollasın? Bütün bunlardan sonra Nəcməddin Rusiya üçün niyə önəmli fiqur olsun?
Ölkə gündəmi həyəcanlı və ziddiyyətli suallarla dolu olan bir vaxtda parlament niyə toplaşmır? Deputatlar niyə danışmır, növbədənkənar iclasın keçirilməsi üçün niyə təşəbbüs göstərmirlər?

Ölkə insanını maraqlandıran bütün sualların cavabını bu gün "Canlı debat" verilişində, Ağ Partiyanın sədri Tural Abbaslı ilə ReAL-çı deputat Erkin Qədirlinin müzakirəsində tapa bilərsiz