«Պատմական հարցը, որ լուծվեց». Նիկոլ Փաշինյան

Описание: Նիկոլ Փաշինյանը ֆեյսբուքյան եթերում անդրադարձել է «կենսական և պատմական նշանակության» խնդիրներին՝ տեսանյութը վերնագրելով «Պատմական հարցը, որ լուծվեց»: Նա նշել է. «Երբ մի պրոբլեմը լուծում ես, դրանով պրոբլեմների թիվը չի նվազում, այլ ավելանում է:

Մենք ունենք կենսական և պատմական նշանակության խնդիրներ: Այսօրվա Հայաստանում մենք լուծել ենք մի պատմական խնդիր, որի մասին խոսել եմ դեռևս 2018-ին: Այդ խնդիրն այն է, որ մենք պետք է կարողանանք հաղթահարել պատմությունից մեզ ծանոթ ցիկլը, երբ Հայաստանը աշխարհաքաղաքական հանգամանքների բերումով, երբեմն իրենից չկախված հանգամանքների բերումով, ստանում է անկախություն, հայ ժողովուրդը՝ պետականություն, հետո էլի աշխարհաքաղաքական հանգամանքների բերումով, պետականությունը և անկախությունը կորցնում է: 2018 թվականին ես ձևակերպել եմ այս խնդիրը, որ մենք պետք է կարողանանք հաղթահարել և դուրս գալ այդ պատմական ցիկլից և մտնել մի ցիկլի մեջ, որտեղ մեր պետություն ունենալը կախված է բացառապես մեզնից և մեր կայացրած որոշումից: 2020-2025 թվականներին մենք այս խնդիրը լուծեցինք: Մենք ոչ միայն հաղթահարեցինք պատմական այդ ցիկլի բերումով առաջացած սպառնալիքները, այլև մտանք մի պատմական փուլի մեջ, երբ պետություն, ինքնիշխանություն, անկախություն, զարգացում, ազատություն, բարեկեցություն ունենալը կախված է բացառապես մեր կայացրած որոշումներից: Սա ձեռքբերում է, որը պատմական է, և ՀՀ քաղաքացիները պետք է տեր կանգնեն այս պատմական ձեռքբերմանը»:

***

Asekose․am-ը երախտապարտ է իր բոլոր հետևորդներին և հատկապես նրանց, որ անգամ ամենաչնչին տարբերակով կփորձեն մեզ աջակցություն ցույց տալ։
Նման ցանկության և հավելյալ հարցերի դեպքում խնդրում ենք գրել մեր էլեկտրոնային հասցեին՝ [email protected]ին։
Նախապես շնորհակալ ենք։

Բաժանորդագրվեք  Asekose.am-ի տելեգրամյան ալիքին՝  https://t.me/s/AsekoseNews

Հետևեք Asekose.am-ի ֆեյսբուքյան էջին՝   / asekosetv  

Asekose.am-ին հետևեք նաև ՏիկՏոկում՝   / asekose.am  

#asekose #news