ياكيف الجرح يبرى - خالد ال بريك & فيصل بن تركي - ياحي اللي يحرق المال ماراجع ورا الايصال 2025 حصريا

Описание: ا

إشترك في قناة الساطي الرسمية
للحصول على أحدث إصداراته الفنية

لـ التصميم رابط الواتس مباشر ⤵️

‏https://api.whatsapp.com/send?phone=966502...

تصميم
الساطي - القناة الرسميه

لمتابعة الساطي عبر سناب شات
‏https://t.snapchat.com/9VnVuhou

#الساطي


لا يا قهوجي ماهي بحزَة دلّه و فنجال
اشوف الشعر يشكي من ظروف الوقت ابا عوله

على سرع استجابه واسرع من الضوّ والارسال
وهندسة اختراع ايردّ عصر الشعر وفصوله

تمدّ الكيف وامداد الضمير بحاجة استرسال
وامدّ (الياف فكريّة)حديثة صنع معموله

وصلنا الوارد المصدر وقمنا نرسل استقبال
ولا يحتاج منّي برمجات رموز مقفوله

خيالي في مراحل وحدة انيوتن على بسكال
تعدّى مرحلة غوص البحور و درّة و لوله

بعدت من الوطا واللي على بالي بدت فالبال
تصير المستحيلة وضعها عادي ومعقوله

وقربت من السما واللي حصل موقف يدكّ اجبال
يساويها براضيها وتفنى احطام من هوله

بعد شفت البدر قلت اله كيف الحال قال اهلال
تعشّتني همومً مانهدّيها بكبسوله

ياكيف الجرح يبرى ويعتق من همّه الاكّال
غزى صدره ويشرب فالدما وضلوع ماكوله

يابدر ادري كبر همّك وصار القلب ستّ اوصال
تحلّى بالصبر دام الصبر يوعدك مفعوله

وعود الله حفظها في كتابه وآ الامل مازال
يعدّدها بميّة موضع اتبشّر ومشموله

توكلنا على الله والله اللي يعلم الاحوال
لطيفً بالعباد و حكمتة بالقدر موصوله

مادام انّا اجتمعنا وارتكينا في شهر شوال
بعد وصل الخبر ياربعنا لاتبقي اسيوله

اسامينا الكبيرة من مواقفنا تزيد اجلال
يميل الوقت والاّ ينقلب ماصابها اميوله

خلقنا الله نبيد المال ماجينا نعمر المال
عطايانا الكريمة في مساع الخير مبذوله

لو انّ ابكلمة الايداع شفت العين معها الدال
وقالوا هاذي احروفً لخزن المال مدلوله

وجدناها على اسمً يصرف الاموال عشر ادبال
تشوف ايّ ادعجاني يحذف الاموال بسهوله

تدل ابيوت ربعي من مجالسها مثل ماقال
هذا وصفً يقوله شاعرً صادق على قوله

يابن فرّاج وقّف لاتشيل اهموم ما انت لحال
ودونك ربعك الهيلا على الصعبات مسلوله

ولدّ العين في ربعك مقابيس الوغا الابطال
ليا جت حزّة الميقاف كلًّ تصهل اخيوله

حظرنا انصغّر اكبار الدعاوي والحمول اثقال
وقلنا ابشر يابن فرّاج باذن الله محلوله

ليا كبرت تهون وربعك الشجعان فا احسن حال
تصبّ اكبر مصيبة صبّة الدهن في بطن توله

على كبار البلاوي ربعك عتيبه رجال افعال
تحمل الصعب وتحلّ القضايا حلّ صاموله

وقفنا واعتزينا والمواقف تفحص الرجّال
ولو لا وقفة الماقف حياة الرجل وش هوله

لو انّا نحصر الموقف على اشيوخ ورجال اعمال
لقينا صامل المدّة يجيك ابكلّ مدخوله

ياحي اللي يحرق المال ماراجع ورا الايصال
يشوف ان النظر في ايصاله اكبر ضعف وطفوله

يقول ان التردد والتراجع ساعة الاذلال
تصير يديك مشلوله وهي ماهي بمشلوله

يازين الفزعة اللي لبّها طيّب على استعجال
وشين الوقفة اللي مقفية وتروح مخجوله

الاولى ودّك ايغنّي بها الشاعر خلف هذال
وراعيها ينومس صفحة التاريخ بفعوله

والاخرى ودّك يسوّي لها استبدال واستيصال
يعالجها قبل لاينعرف بالنقص والحوله