RESPUBLİKA TALASSEMİYA MƏRKƏZİNDƏ ONLARLA AZYAŞLI XƏSTƏNİN HƏYATI XİLAS OLUNUB

Описание: Azərbaycan həkimləri ağır irsi qan xəstəliyi olan talassemiyanın müalicəsi və diaqnostikası istiqamətində mühüm işlər görürlər. Talassemiya hemoqlobin istehsalı zamanı qırmızı qan hüceyrəsində tapılan zülal çatışmazlığı səbəbindən yaranır. Bu, oksigeni ağciyərlərdən bütün bədən hissələrinə nəql edir və qana qırmızı rəng verir. Valideynlərdən övladlarına genlə keçən talassemiya müalicə olunmayan xəstəlikdir. Xəstə uşağın vəziyyətini ona qan köçürməklə yüngülləşdirmək olur. Talassemiyanın daha bir müalicə üsulu isə sümük iliyinin köçürülməsidir. Respublika Talassemiya Mərkəzində Heydər Əliyev Fondunun vəsaiti hesabına onlarla uşaq üzərində bu əməliyyat uğurla həyata keçirilib. 13 yaşlı Polad Şükran da əməliyyat olunub və indi özünü yaxşı hiss edir.

Bu ilin əvvəlində əməliyyat olunan azyaşlıların vəziyyəti getdikcə normallaşır. 6 yaşlı Bayram Əliyevi həkimlər demək olar ki, ölümün pəncəsindən qurtarıblar. İmmunitet zəifliyi ucbatından uşaqda xəstəlik sürətlə inkişaf edib. Bu balacaya yaxın qohumları donorliq edib.

Əməliyyat olunan uşaqlar indi reabilitasiya kursu keçirlər. Onlara daimi qan köçürməyə artıq ehtiyac yoxdur. Lakin bəzi komponentlər hələ bir müddət lazım olacaq. Orqanizmin bərpası üçün tələb olunan bütün bahalı dərmanlar onlara pulsuz verilir. Bütün bunları Səhiyyə Nazirliyi, eləcə də Heydər Əliyev Fondu dövlət proqramı çərçivəsində həyata keçirir.

Talassemiya Mərkəzində ən müasir tibbi aparatlardan istifadə olunur. Mərkəzdə dünya standartlarına uyğun yeni avadanlıqlarla təchiz olunmuş laboratoriya fəaliyyət göstərir. Ən çətin əməliyyat hesab olunan - sümük iliyinin köçürülməsini xarici ölkələrdə təhsil alan azərbaycanlı mütəxəssuslər həyata keçirir.