အီရန်မှာ ဆန္ဒပြသူတွေက အစိုးရ ရုံးတွေထဲ ကျူးကျော်ဝင်ရောက် | People's Spring

Описание: အီရန်မှာ ဆန္ဒပြသူတွေက အစိုးရ ရုံးတွေထဲ ကျူးကျော်ဝင်ရောက်

အီရန်နိုင်ငံမှာ ဒေါသထွက်နေတဲ့ ဆန္ဒပြ ပြည်သူတွေက ဒေသဆိုင်ရာ အစိုးရ အဆောက်အအုံ တချို့ထဲ ကျူးကျော် ဝင်ရောက်ဖို့ ကြိုးစားခဲ့ပါတယ်။

အီရန်မှာ နိုင်ငံရဲ့ ငွေကြေးယူနစ် စံချိန်တင် တန်ဖိုးကျဆင်းမှုတွေကို အကြောင်းပြုပြီး ပြီးခဲ့တဲ့ သီတင်းပတ်ကုန်ကစလို့ ဆန္ဒပြပွဲတွေ ဖြစ်ပွားနေခဲ့တာပါ။ ဒီဇင်ဘာ ၃၁ ရက်နေ့မှာတော့ နိုင်ငံတောင်ပိုင်းက ဖားစ်ဒေသမှာ ဆန္ဒပြသူတွေက အစိုးရ ရုံးအဆောက်အအုံတွေထဲ အတင်းအကျပ် ဝင်ရောက်ခဲ့တာ ဖြစ်ပါတယ်။

ဖာဆာမြို့ထဲမှာ ဆန္ဒပြသူတွေ သောင်းကျန်းလို့ ရဲအရာရှိ ၃ ဦး ဒဏ်ရာရခဲ့ပြီး လူ ၄ ဦးကိုတော့ ဖမ်းဆီးထားတယ်လို့ အာဏာပိုင်တွေက ပြောပါတယ်။ အလားတူ နိုင်ငံ အနောက်ပိုင်းက ဟာမီဒန်နဲ့ လိုရီစတန်တို့မှာလည်း ဆန္ဒပြသူတွေနဲ့ အာဏာပိုင်တွေကြား ပဋိပက္ခတွေ ဖြစ်ပွားခဲ့ပါတယ်။

မြို့တော် တီဟီရန်မှာတော့ အီရန် အစိုးရဟာ ဆန္ဒပြမှုတွေကို လူစုခွဲဖို့ အားထုတ်မှု တစ်ခုအဖြစ် ဒီဇင်ဘာ ၃၁ ရက်နေ့ကို ဘဏ်ပိတ်ရက် သတ်မှတ် ကြေညာခဲ့ပါတယ်။ အစိုးရက ရုတ်တရက် အချိန်ကပ်ပြီး ကြေညာခဲ့တဲ့ ရုံးပိတ်ရက် သတ်မှတ်ချက်ကြောင့် အီရန်အနှံ့က ကျောင်းတွေ၊ တက္ကသိုလ်တွေနဲ့ ရုံးဌာနတွေမှာ အတော်လေး ရှုပ်ရှုပ်ထွေးထွေးတွေ ဖြစ်ခဲ့ရပါတယ်။

ဘဏ်ပိတ်ရက်လို့ သတ်မှတ်ပြီး ရုံးပိတ်လိုက်တာဟာ စွမ်းအင်ချွေတာရေး ရည်ရွယ်ချက်ကြောင့်လည်း ဖြစ်တယ်လို့ အာဏာပိုင်တွေက အကြောင်းပြပေမယ့် ပြည်သူတွေကတော့ လူထုအုံကြွ ဆန္ဒပြမှု အရှိန်အဟုန်ကို လျှော့ချဖို့ အားထုတ်မှု တစ်ခုအနေနဲ့ ရှုမြင်ထားကြပါတယ်။

ကုန်သည်တွေ၊ စျေးဆိုင်ပိုင်ရှင်တွေရဲ့ မကျေနပ်မှုတွေကနေ စတင်ခဲ့တဲ့ ဆန္ဒပြမှုတွေဟာ ရက်ပိုင်းအတွင်း ပိုမိုကျယ်ပြန့်လာပြီး အခုအခါ ကျောင်းသား အင်အားစုတွေကပါ ပူးပေါင်း ပါဝင်လာကြပါတယ်။

အမေရိကန် ဒေါ်လာနဲ့ယှဉ်ရင် အီရန်ရဲ့ ရီရယ်လ် ငွေကြေးယူနစ် ဆိုးဆိုးရွားရွား ကျဆင်းခဲ့ရာက ဒီဇင်ဘာ ၂၈ ရက်နေ့မှာ ဆန္ဒပြမှုတွေ စတင်လာခဲ့တာ ဖြစ်ပါတယ်။ ဒီဇင်ဘာ ၃၀ မှာ ကျောင်းသားတွေကပါ ဆန္ဒပြပွဲတွေမှာ ပါဝင်လာတဲ့နောက် အခြေအနေတွေက ပိုရှုပ်ထွေးလာပါတယ်။

၂၀၂၂ တုန်းက အီရန် ဘာသာရေးရဲတွေရဲ့ ဖမ်းဆီးမှုကို ခံရပြီး မာဆာ အမီနီဆိုတဲ့ မိန်းကလေးငယ်တစ်ဦး သေဆုံးခဲ့တဲ့ ဖြစ်ရပ်ကြောင့် ဆန္ဒပြပွဲတွေ ဖြစ်ပေါ်ခဲ့တဲ့နောက်ပိုင်းမှာ အခုတစ်ကြိမ်က အီရန်မှာ ကြုံတွေ့ရတဲ့ အကြီးမားဆုံး လူထု အုံကြွမှုလည်း ဖြစ်လာပါတယ်။

အာဏာပိုင်တွေကတော့ ဆန္ဒပြမှုတွေ အစပြုလာရာ တီဟီရန် မြို့တော်မှာ လုံခြုံရေး ပိုမိုတင်းကျပ်ထားကြောင်း ပြောပါတယ်။ သမ္မတ မာဆွတ်ဒ် ပက်ဇက်ရှ်ခန်းက သူ့အနေနဲ့ ဆန္ဒပြသူတွေဆီက တရားနည်းလမ်းကျပြီး ဥပဒေနဲ့ ညီညွတ်တဲ့ တောင်းဆိုမှုတိုင်းကို နားထောင်ဖို့ အသင့်ရှိနေကြောင်း ပြောကြားထားပါတယ်။

ကိုးကား: BBC

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA