ჟებოტა - ახალსოფლის დამაკავშირებელ გზაზე მოასფალტების სამუშაოები დაიწყო

Описание: ჟებოტა - ახალსოფლის დამაკავშირებელ გზაზე მოასფალტების სამუშაოები დაიწყო
დღეს თიანეთის მუნიციპალიტეტის მერი თამაზ მეჭიაური, მერის პირველი მოადგილე თამაზ იარაჯული, თიანეთის მერიის თანამშრომლები და შპს მშენ-ექსპერტის წარმომადგენლები საავტომობილო გზის აღნიშნულ მონაკვეთზე იმყოფებოდნენ და პირადად გაეცნენ სამუშაოების მიმდინარეობის პროცესს.
პროექტი ითვალისწინებს 2,5 კმ. გზის მონაკვეთის მოასფალტებას, ღია სანიაღვრე არხების მოწყობასა და ორი საავტომობილო ხიდის რეაბილიტაციას;
მოეწყობა საგზაო ნიშნები, ეზოში შესასვლელები და ცენტრალური გზის დაერთებები შიდა საუბნო გზებთან; განხორციელდება გზის ჰორიზონტალური მონიშვნის სამუშაოები.
პროექტის სახელშეკრულებო ღირებულება შეადგენს 1 250 000 ლარს.
სარეაბილიტაციო სამუშაოები, ამინდის ხელშეყობის პირობებში, აღდგომის ბრწყინვალე დღესასწაულამდე დასრულდება.