ගර්භණී සමයේ ආශිර්වාද කවි | Pregnancy Music for Baby in Womb | Sri Lanka 2021

Описание: ගර්භණී සමයේ ආශිර්වාද කවි | Pregnancy Music for Baby in Womb

මිහිපිට සිටින සෑම ගර්භණී මවකටම නිදුක් නිරෝගී පින්වත් දරු පැටියෙක් ලැබේවා...!
නිරතුරුව ඔබත් ඔබ කුස තුල සිටින දරුවාටත් ශ්‍රවණය කිරීමට ලබා දී සියළු ආශිර්වාදය ලබා දෙන්න.
--------------------------------------------------------------
තරුවක් විලස මගෙ කුස තුල වැඩෙන්නට…
පියුමක් ලෙසට මගෙ හදවත පිරෙන්නට…
මව් පදවිය උරුම කර නුඹ මට දෙන්ට…
දෙව්ලොව සිටන් නුඹ වැඩියා මගෙ කුසට…

යහනක් ලෙසට සුවබර ලෙස දැනේවා…
සිහිනෙන් පවා රිදුමක් සිදු නොවේවා…
සිනහව නුඹේ සැමදා මුව රැඳේවා….
"අම්මේ" කියා ඉක්මනටම ඇසේවා…

පිරුනොත් කලය නොසැලෙයි දිය ඉන් කිසිදා….
උණ ගස නැමෙයි උස යනෙනා විට සැමදා….
බුද්ධිය නුඹට උරුමයි කොහොමත් මතුදා…
මනුසත් කම රැඳෙන් නුඹ සිත තුල සැමදා…

උපතින් නුඹට කිසි ලෙඩ රෝගයක් නොවී…
සියයක් ආයු ලැබ වැඩියන් මගේ කුසේ…
අත පය හයිය හත්තිය ඇති ලෙසට සිතේ…
මම බිහි කරමි දස මහ යෝධයෙක් පුතේ…

ඡවි වර්ණයෙන් දිදුලාවී නුඹේ සම…
දුටුවන් මන බඳියි දකිනා විටදි රුව…
බඹරුන් මෙන් ඇදෙයි පිරිවර සතර දෙස…
සක්විති රජෙක් ලෙස වැජබෙයි දිනෙන් දින…

සුමිහිරි කටහඩින් කරනා වැයුම නුඹේ…
ඇසුවන් සිත් නිවයි හිරු දුටු පින්න ලෙසේ…
ලෝකය නිවන ගුණ දම් රැක ගෙන සම සේ…
අට ලෝ දහම දැන නොසැලෙන් මගෙ පුතේ…

දවසින් දවස මගෙ කුස මෝරා එනවා...
කුස තුල බිළිඳු සුව බර ලෙස හිනැහෙනවා…
අම්මා නුඹේ නුඹ එනතුරු දින ගනිනා…
මගෙ සඳ පායනා දින තව දුර නැතිවා…

දුදනන් ඇසුර මග හැර මගෙ පුතු නිබඳ…
සුදනන් සොයා යා යුතු වෙයි කල් නොහැර…
උස් තැන් දකින විට හැකිලෙන මිනිසුන්ට…
මිනිසත් කම මැදින් නැඟිටින් පුතේ නුඹ…

යුතුකම් අත නොහැර මතකයෙ තබාගෙන…
වගකිය යුතු තැනදි සැම දේ දාරාගෙන…
නුඹගෙන් මතුත් ලොව නුඹෙ නම රැඳෙන්නට…
නුවණින් දිවිය සරි කල මැන පුතේ නුඹ…

බුදු සරණයි ධම් සරණයි සඟ සරණයි…
මේ තුන් සරණ හැමදාමත් නුඹ සමගයි…
සතර වරම් දෙවි රැකවරණය නුඹටයි…
සියළුම සරණ ගෙන නුඹ සතුටින් වැජබෙයි…

ගායනය - Madhu B.
පද රචනය - Tharindu A.


Social Media Links.
Facebook :-   / ammaibabaitm  

If you like please like our Facebook Page and Subscribe YouTube Channel.


#daru_nalavili_gee​, #ගර්භණී_සමයේ_ආශිර්වාද_කවි​, #sinhala_nelawili_gee