26/02․2026 Տիտիանո ԱրսոնTitiano Arson

Описание: Շնչել հայկական օդը՝ Ազնավուրին զգալու համար. Տիտիանո Արսոնի անկեղծ խոստովանությունը

Ձայնային նմանությունը եղավ այն առաջին կայծը, որով միավորվեցինք ես և Ազնավուրի արվեստը։ «Ուրիշ նորություններում» ասում է ֆրանսիացի երգիչ Տիտիանո Արսոնը, որի տեմբրի ապշեցուցիչ նմանությունը Ազնավուրի ձայնին հանդիսատեսին հնարավորություն տվեց կրկին զգալ շանսոնյեյի ներկայությունը։
«Իսկապես դա իմ ձայնն է, այդ վիբրացիաները ես ունեմ ի ծնե, բայց որպեսզի երգես Ազնավուրի երգացանկը, պետք է հաստատակամ և ջանասեր լինես՝ դա «ձեռքի թեթև հարվածով» չի ստացվում»: Իր անցած ուղին նմանացնելով շանսոնյեի կյանքին՝ նա ասում է, որ շատ երգերում ինքն իրեն եմ տեսնում. «Ազնավուրն ասում էր՝ շատ դռներ էր թակում, ու դրանք փակ էին լինում: Արտիստի ճանապարհը հեշտ չէ, և ես նմանություններ եմ գտնում մեր անցած ուղիների միջև»:
Արտիստի մենեջեր Մարիա Քոչարյանի դիտարկմամբ՝ Տիտիանոյի հաջողության գաղտնիքը հայկական միջավայրի հետ սերտ կապի մեջ է, քանի որ Ազնավուրին լիարժեք զգալու համար պետք է շնչել նույն մշակութային օդը։ «Պաշտում եմ Հայաստանը, հայերին։ Ամենաշատը սիրում եմ ձեր հայրենասիրությունն ու ոգին։ Այն, ինչ Ֆրանսիան կարծես կորցրել է, տեսնում եմ այստեղ՝ հայերի մեջ»։ Չնայած Ազնավուրի հետ ձայնային նմանությանը՝ արտիստը ձգտում է նաև անհատական ստեղծագործական ուղու։ Այս ճանապարհին կարևոր հանգրվան է դարձել համագործակցությունը մաեստրո Ռոբերտ Ամիրխանյանի հետ, ով, լսելով երիտասարդ ֆրանսիացուն, առաջարկել է կատարել իր ստեղծագործությունները։