Տորթ Մարլենկա / Торт Марленка /Marlenka Cake

Описание: Այսօր առաջարկում ենք թխել շատ նուրբ, համեղ ու եթերային տորթ Մառլենկա կարամելով կրեմով։ Անպայման փորձեք, իսկ մենք կսպասենք Ձեր մեկնաբանություններին 💚

Բաղադրիչներ`
Խմորի համար`
• ալյուր 600 գ
• կարագ 120 գ
• մեղր 3 ճ.գ.
• շաքարավազ 250 գ
• սոդա 1 ճ.գ.
• քացախ 1 ճ.գ.
• 2 ձու

Կարամելի համար`
• շաքարավազ 1,5 բաժակ (300 գ)
• ջուր 80 մլ
• կարագ 60 գ
• սերուցք 150 մլ

Կրեմի համար`
• կարամել (400 գ)
• կարագ 250 գ
• վանիլին
• օսլա 3 ճ.գ.
• շաքարավազ 2 ճ.գ.
• կաթ 500 մլ

Պատրաստման եղանակը`
Խմորի համար ամանի մեջ լցնել կարագը, շաքարավազն ու մեղրը, գոլորշու վրա եփել մինչև շաքարավազը լուծվի, ապա վերցնել գոլորշու վրայից, ավելացնել քացախով հանգցրած սոդան, լավ խառնել, թողնել հովանա, դեռ տաք վիճակում ավելացնել ձուն, արագ խառնել։ Քիչ֊քիչ ավելացնել ալյուրը, խառնել։ Պետք է ստացվի կպչուն խմոր։ Բաժանել խմորը 6 մասի, յուրաքանչյուրն ալյուրի օգնությամբ յուղաթղթի վրա գրտնակել ուղղանկյունաձև 22×30 սմ չափի։ Ապա կողքերը կտրել նախապես, կամ թխելուց հետո։ Ավելորդներն օգտագործելու ենք տորթի վրա փշրելու համար։ Թխել յուրաքանչյուրը 180°֊ում 5 րոպե։
Կարամելի համար շաքարավազն ու ջուրը լցնել կաթսայի մեջ, դնել ցածր կրակի վրա, չխառնել, եփել մոտ 30 րոպե, մինչև կարամելանա։ Զգույշ եղեք, չվառվի։ Կրակի վրայից վերցնել, արագ ավելացնել կարագը և խառնել, ապա ավելացնել սերուցքը, արագ խառնել, կրկին դնել կրակի վրա, եփել մինչև դառնա մետաքսյա, փայլուն։ Վերցնել կրակի վրայից, թողնել սառի լրիվ։
Կրեմի համար կաթը, շաքարավազը, վանիլինն ու օսլան եփել ցածր կրակի վրա` անընդհատ խառնելով, մինչև թանձրանա։ Երեսը ծածկել սննդի տոպրակով, թողնել սառի։ Կարագը լավ հարել մինչև սպիտակի, գդալ֊գդալ ավելացնել եփած կրեմը, հարել, ավելացնել կարամելը, կրկին հարել։
Հավաքել տորթը, շերտերին քսել կրեմ, դնել միմյանց վրա, տորթը ծածկել կրեմով, վրան փշրել կողքերից կտրած կտորները։ Դնել սառնարան մի քանի ժամ, ապա նոր կտրել։ Հաճելի սուրճըմպում 💚

#Մառանիկ #շաքարավազ #օսլա #վանիլին #սոդա #Maranik

Հետևեք մեզ նաև ֆեյսբուքյան և ինստագրամյան էջերում 👉   / maranikarmenia  
  / anushkitchen  
  / maranik.am  
  / anush_kitchen  
Ինչպես նաև ՏիկՏոկում` https://www.tiktok.com/@anush_kitchen...
և Տելեգրամում` https://t.me/anush_kitchen77