👉សម្លេងព្រះគម្ពីរ ដំណឹងល្អថ្ងៃអាទិត្យ អាទិត្យទី១៦ រដូវធម្មតា«ឆ្នាំគ»

Описание: 👉[ សម្រាប់ថ្ងៃអាទិត្យ ] ព្រះគម្ពីរដំណឹងល្អតាមសន្តលូកា លក ១០,៣៨-៤២
ព្រះយេស៊ូកំពុងធ្វើដំណើរជាមួយក្រុមសាវ័ក។ ព្រះអង្គយាងចូលក្នុងភូមិមួយ។ មានស្រ្ដីម្នាក់ឈ្មោះម៉ាថា បានទទួលព្រះអង្គឱ្យស្នាក់នៅក្នុងផ្ទះនាង។ នាងមានប្អូនស្រីម្នាក់ឈ្មោះម៉ារី អង្គុយនៅទៀបព្រះបាទាព្រះអម្ចាស់ ស្ដាប់ព្រះបន្ទូលរបស់ព្រះអង្គ។ រីឯនាងម៉ាថាវិញ នាងមានកិច្ចការរវល់ជាច្រើនដើម្បីបម្រើព្រះអង្គ។ នាងចូលមកទូលថា៖ «បពិត្រព្រះអម្ចាស់! ប្អូនខ្ញុំម្ចាស់ទុក​​ឱ្យខ្ញុំម្ចាស់បម្រើព្រះអង្គតែម្នាក់ឯង តើព្រះអង្គមិនអើពើទេឬ? សូមទ្រង់ប្រាប់ឱ្យនាងមកជួយខ្ញុំម្ចាស់ផង»។ ព្រះអម្ចាស់មានព្រះបន្ទូលទៅនាងថា៖«ម៉ាថា! ម៉ាថា អើយ! នាងមានកង្វល់ហើយរវល់នឹងកិច្ចការច្រើនណាស់ ប៉ុន្ដែ មានកិច្ចការតែមួយគត់ដែលចាំបាច់! នាងម៉ារីបានជ្រើសយកចំណែកដ៏ល្អវិសេស​នោះហើយ មិនត្រូវយកចេញពីនាងទេ»។ #catholickampongcham