Drini Zeqo tregon gjënë më të shëmtuar që i ka ndodhur në jetë

Описание: Drini Zeqo është një ndër figurat më të njohura dhe të spikatura të ekranit dhe televizionit shqiptar. Në studion e “Rudina” në Tv Klan pasditen e kësaj të shtune, ai tregon raportin e ngushtë që ka me librin.

Sipas tij të lexosh një libër do të thotë jo vetëm të zgjeron bagazhin e njohurive, fjalorin apo imagjinatën, por të ndërtosh vetveten.

“Lëvizja drejt një bote që ti nuk e kontrollon dot më, që është imagjinata, ëndrra dhe të ëndërruarit është gjëja më e bukur që mund t’i ndodhë një njeriu. Nuk ka asgjë më të bukur se kaq, sepse aty ti ndërton vetveten. Por, gjëja e dytë pas asaj që krijon leximi është lufta me historinë që t’i lexon dhe kur e vërteton këtë me autorin e librit. Mua si gazetar më ka bërë shumë përshtypje kur takova për herë të parë një jetë një shkrimtar, të cilit unë i kisha lexuar një libër dhe e shikoja, e thoja me vete ‘si i ka krijuar historitë?, i ka të vërteta?’. Besoj që një nga autoret e para që kam takuar ka qenë Diana Çuli dhe e pyesja për personazhet, se si e kishte krijuar dhe ajo më tregonte detajet. Si gazetar pastaj kam takuar shumë shkrimtarë të tjerë që më bënë të kuptoja se si krijoheshin historitë, cilat ishin qëllimet e tyre. Shpesh herë librat krijoheshin apostafat për të shpërndarë mesazhe të caktuara apo për të dhënë një kulturë të veçantë. Kështu që të lexuarit nuk mbaronte më deri tek faqja e fundit, por ishte një proces që vijonte dhe kur libri kishte vazhdimësi.”

Por, nëse do e pyesje Drini Zeqon se çfarë mendimi do kishte për filmat e bazuar në libra, ai do i cilësonte si një zhgënjim. Pasi në studio tregon se gjëja më e shëmtuar që i ka ndodhur në jetë është pikërisht të shikosh në ekran një histori që t’i e ke lexuar dhe shfletuar. Është zhgënjyese të shikosh një personazh të “transformuar”, që nuk i ngjason aspak atij personazhit ideal që t’i kishe fantazuar.

“Gjëja më e shëmtuar që mua më ka ndodhur në jetë është kur i shikoja librat film. Ajo ishte gjëja që më zhgënjen më shumë. I kisha krijuar ata personazhet në botën time me portrete të caktuara, me gjatësinë e caktuar dhe ku i shikoja në film thoja me vete po pse i kanë bërë kështu.”
#Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen.
SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/