Tv Klan - Kontabilistët: E-albania, vështirësi për bizneset

Описание: Bizneset dhe kontabilistët vazhdojnë të përballen çdo ditë me vështirësi, për shkak të problemeve me shërbimet online të portalit e-Albania. Këtë të mërkurë platforma self-care e sistemit të faturave po funksionon, por kontabilistët raportojnë vonesa për shkak të ngarkesës së faqes.

“Tani ka filluar, punon, ndalon, punon, ndalon. Kjo përbën një problem që mund të jemi më të qartë kur vetë tatimet të dalin me përmbledhje se çfarë ka ndodhur dhe se çfarë po ndodh. Besoj se atje po punohet, por na ka krijuar probleme”, tha Berti Pashko nga Instituti i Ekspertëve Kontabël të Autorizuar.

Instituti i Ekspertëve Kontabël të Autorizuar apelon që Agjencia Kombëtare e Shoqërisë së Informacionit, që mirëmban këto sisteme, të japë sqarime konkrete, pasi kjo problematikë i ka vendosur muajt e fundit kontabilistët mes dy zjarreve.

“Nga një krah jemi për të respektuar afatet që ka vendosur drejtoria e tatimeve dhe nga krahu tjetër shërbimi që ne kryejmë ndaj bizneseve”.

Teksa platforma online nuk ka qëndrueshmëri, duke mos dhënë garanci për funksionimin e saj me kapacitete të plota, ekspertët apelojnë për aplikimin e alternativave të tjera për të shmangur penalitetet.

“I ka ndodhur Kroacisë, Italisë, Maqedonisë dhe Kosovës. Shteti ka ndërhyrë në mënyra të ndryshme. Një ndihmë e madhe në këtë rast, pavarësisht se Self-Care ka ato luhatjet e veta. Një ndihmë e madhe është që të gjithë bizneset janë të pajisur me programet e faturimit, që janë të licencuara nga Ministria e Financave. Këto janë edhe të kontrolluara, pinojnë edhe të pavarura. Faturat mund të bëhen edhe me klasiken. E rëndësishme është që të plotësojnë të gjitha normat që kërkon ligji, edhe nëse bëhen me dorë”.

Agjencia Kombëtare e Shoqërisë së Informacionit i mohon problemet dhe thotë se në ditë të caktuara sistemi është i ngarkuar për shkak të fluxit të lartë. Por kontabilistët thonë se nuk mund të vazhdohet më kështu dhe kërkojnë zgjerim të kapaciteteve.

“Mund të jetë një server i llogaritur për 10 dhe aty futen 20, p.sh. Nëse ata nuk nxjerrin një përfundim se sa është kapaciteti. Bizneset tani po formalizohen, po shtohet numri i faturimit. Mund të jetë menduar një kapacitet i caktuar, por gjatë rrugës është parë që duhet rritur”.

Instituti i Ekspertëve Kontabël të Autorizuar rekomandon më shumë bashkëpunim mes palëve, veçanërisht mes Drejtorisë së Përgjithshme të Tatimeve dhe AKSHI-së, për të zgjidhur sa më parë problemin, në mënyrë që të shmangen penalizimet për bizneset.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/