Tv Klan - Axios: SHBA, plan për të vrarë Ajatollahun e Iranit

Описание: Donald Trump ka në tryezën e tij plane ushtarake për eliminimin e udhëheqësit suprem të Iranit, Ajatollahut Ali Khamenei, djalit të tij Mojtaba dhe krerëve të tjerë të lartë fetarë të Republikës Islamike.

Sipas portalit Axios, me burime pranë administratës amerikane, ky opsion ekstrem i është paraqitur Presidentit si pjesë e një sulmi ushtarak për ndryshimin e regjimit, në rast se diplomacia dështon përfundimisht. Presidenti amerikan ka lënë të kuptohet se është i lodhur nga lojërat e Teheranit dhe mund të autorizojë një sulm në çdo moment.

Shenjë e shtimit të mundësive për sulm ushtarak janë edhe këta 7 avionë të transportit të rëndë të ushtrisë amerikane, që kanë mbërritur në bazën e Azoreve në Portugali.

Paralelisht, SHBA po mbajnë hapur një dritare të vogël negociatash. Administrata Trump është e gatshme të pranojë një marrëveshje ku Iranit i lejohet një pasurim “simbolik” i uraniumit, por vetëm nëse vërtetohet se nuk ka asnjë shteg drejt bombës atomike. Ministri i Jashtëm iranian, Abbas Araghchi, po nxiton të finalizojë një paketë propozimesh brenda 48 orëve për të shmangur atë që e cilëson si një “katastrofë rajonale”.

Situata mbetet tejet e tensionuar, ndërsa forcat ushtarake amerikane po shtohen me shpejtësi në rajon. Në fuqi është ultimatumi 15-ditor që Trump i vendosi Iranit të enjten për arritjen e një marrëveshjeje. Në të kundërt, sulmi amerikan mund të jetë i pashmangshëm, ndërsa Teherani kërcënon se konflikti mund të marrë përmasa të mëdha rajonale.

Tv Klan

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/