H.O.S.T - Azad Azərbaycan

Описание: Sözləri:

Təsəvvür elə ki, sən doğulmusan Əfqanıstanda,
Ölüb yaxınların, sən də şikəst tək ayaqla.
Təsəvvür elə ki, sən doğulmusan Çeçenistanda,
Məktəb sinifləri tüstü, bomba, güllə altında.
Şimali Koreyada həm də təksən,
Həyatın qəfəslərdə, doğmalar torpaqda.
Düşün ki, Afrikada, tanınmayan bir ölkədə,
Ölümcül xəstəliklər, humanitar yardımlar.
Ya da ki, İranda məcburi qara çadra,
Asılmaq, kəsilmək, əzilmək, şallaq, molla.
Təsəvvür elə ki, sən doğulmusan Ermənistanda,
Oyuncaq vətəndaşsan yalan və yaltaqlıqla.
Ya da ki, Gürcüstanda yox nə suyun, nə qazın,
Sən hər bir nəfəsinlə qonşu dövlətlərdən asılı.
Ya da ki, doğulmusan sən kasıb Pakistanda,
Düşmənin kiçik erməni yox, böyük Hindistandı.

Dəyişir insanlar, dəyişir zaman,
Amma hər an ürəyimdə Azərbaycan.
Mənim kiçik ölkəm, mənim böyük ailəm,
Mənim Vətənim, Azərbaycan.
Doğulur günəşi torpağından,
Güc alır budağı yarpağından,
Yox gözəl üçrəngli bayrağından,
Gözəlim, gözəlim, Azərbaycan.

Təsəvvür elə ki, sən doğulmusan Fransada,
Tələbələr yandırır sənin BMW’ni.
Ya da ki, New Yorkda göydələnin başında,
11 Sentyabr sənin pəncərənə təyyarə gəlir.
Sən yaşaya bilərdin Fidel’lə Kubada,
Amma ki, ölkədən çıxmaq orda qadağandı.
İspaniyada öküzlər, Çikaqo qasırğalar,
Yaponiyada zəlzələ, Tibetdə yenə dumandı.
Bəlkə sən istəyərdin yaşayasan Rusiyada,
Ölkənin 80 %-i sərxoş və narkomandı.
Ya da Braziliyada dağılmış bir ailədə,
Bilmirsən uşağın kim, ya da ki, hansındandı.
Bu nə qərib zamandı, hər yer müharibələr,
Böyüklər pul qazanır, qan ağlayır körpələr.
Hər yerdə əxlaqsızlıq, cinayətlər kölgədə,
Amma ki, qorxmuram mən hələ ki öz ölkəmdə.

Dəyişir insanlar, dəyişir zaman,
Amma hər an ürəyimdə Azərbaycan.
Mənim kiçik ölkəm, mənim böyük ailəm,
Mənim Vətənim, Azərbaycan.
Doğulur günəşi torpağından,
Güc alır budağı yarpağından,
Yox gözəl üçrəngli bayrağından,
Gözəlim, gözəlim, Azərbaycan.

İndi şükür elə ki, doğulmusan Azərbaycanda,
Var evin, var çörəyin, var ailən, var köməyin.
Təhsili pis olsa da, satışda yaxşı kitablar var,
Hər şey səndən asılıdır, axtarma günahkarlar.
Dön geri, bax həyatına, gözlərin kor deyil axı,
İnkişafda ölkəmiz, amma cəmiyyət hələ də taxta.
Gəlin boş durmaqdansa, biz də dəstək olaq,
Axı biz vətəndaşlarıq, gəlin ölkəmizi quraq.
Hərədən bir kərpic, hərəyə bir ağac əkək,
Uşaqlar evinə yardım, ildə bir dəfə qan verək.
Düzdü var toz-torpaq, Bakı küləkli şəhər,
Amma hərə öz həyətini süpürsə, hər yer təmizlənər.
Qayıdar Qarabağ da, bəlkə çatdırsaq dünyaya,
Məktublar forumlarda, xarici saytlarda.
Bura mənim vətənim, mənə ən doğma məkan,
Mənim azadlığım, bizim Azad Azərbaycan.

Dəyişir insanlar, dəyişir zaman,
Amma hər an ürəyimdə Azərbaycan.
Mənim kiçik ölkəm, mənim böyük ailəm,
Mənim Vətənim, Azərbaycan.
Doğulur günəşi torpağından,
Güc alır budağı yarpağından,
Yox gözəl üçrəngli bayrağından,
Gözəlim, gözəlim, Azərbaycan.