"Sanki ölümü də bir sədaqət nümunəsi oldu"-Cümhuriyyət ideallarına sadiq Mayis Əlizadənin xatirəsinə

Описание: Dekabrın 12-də Bakının Alis Hotelində tanınmış qələm sahibi, gerçək bir jurnalistika fədaisi Mayis Əlizadənin xatirəsinə filologiya üzrə fəlsəfə doktoru Jalə Cəfərovanın ərsəyə gətirdiyi “Sözünü də özləyirik, Özünü də” adlı kitabın və eyniadlı filmin təqdimatı keçirildi. Tədbirin aparıcısı Rüfət Muradlının qısa açılış nitqindən, şəhidlərimizin və Mayis Əlizadənin xatirəsinə bir dəqiqəlik sükutdan sonra 25 dəqiqəlik filmin premyerası oldu. Sonra kitabın və filmin yaranması prosesi haqqında Jalə Cəfərova çıxış edərək jurnalistika şəhidi Mayis Əlizadə haqqında düşüncələrini paylaşdı. “ Bir yaz səhəri, ramazan ayının 6öcı günü 6 mart 2025-ci il tarixində “Canım babam Mayis Əlizadə etmişdir” xəbəri onu sevənlərin qanını dondurdu. Mən də çoxları kimi ağır xəbərin kaş ki, yanlış olsun ümidiylə çırpınaraqbaşsağlıqlarını dönə-dönə oxuyub əmin olduqdan sonra bir neçə gün toparlana bilmədim...” Kitabın ilk cümləsi Jalə xanımın məhz bu sətirlərilə başlayır. Gerçəkdən Mayis Əlizadənin qəfil ölümü onu sevənlər üçün ölçüyəgəlməz itki oldu. Necə ki, təqdimat mərasimində çıxış edən filologiya elmləri doktoru, professor Qulu Məhərrəmli, filologiya elmləri doktoru, professor Vaqif Sultanlı, əməkdar artist Nuriyyə Hüseynova, filologiya elmləri doktoru, professor Bədirxan Əhmədov cəsarətli jurnalist və vicdanlı ziyalı Mayis Əlizadə haqqında öz düşüncələrini bölüşürək onun vaxtsız itkisi ilə bağlı öz dərin üzüntülərini ifadə etdilər. Təqdimat mərasimində kitabın redaktoru, əməkdar jurnalist Əntiqə Qonaq, Almaniyada yaşayan soydaşımız Yeganə Əmiraslan, şair Səttar Qarağaclı, Muğan-Şirvan qəzetinin redaktoru Elçin Nəsib, gənc jurnalist Əsgər Əliyev çıxış edərək Mayis Əlizadənin xatirəsini andılar. Ailəsi adından çıxış edən Nərgiz Məhyəddinova kitabın və filmin ərsəyə gəlməsində əməyi olan hər kəsə və təqdimat iştirakçılarına öz təşəkkürünü bildirdi. Təqdimatın sonunda müəllif Jalə Cəfərova bir daha çıxış edərək çıxış edənlərə və bütün iştirakçılara öz təşəkkürünü bildirdi və mərasimdə iştirak edən hər kəsə imzalı kitabları təqdim etdi..