ONE RIDE ONE JUSTICE: Motorcade for Jeff

Описание: Noong ika-10 ng Nobyembre, 2012, inilunsad ng Justice for Jeff Borromeo Campaign Network ang isang pagkilos na dinaluhan ng humigit-kumukang sa 100-120 katao. Ang One Ride One Justice ay ipinanganak mula sa pangangailangang ipnawagan ang kagyat ng aksyon sa kaso ni Jeff. Ang naturang motorcade ay sinuportahan ng ibat'bang sektor mula sa simbahan, lokal na pamahahalaang barangay, mga organisasyong pangkomunidad, kabataan, mountaineers, alumni associations at iba pa. Ito ay nasaksihan ng buong Barangay Rizal, Makati City.

Naging matagumpay ang naturang morotcade na nagkaroon ng positibong epekto sa mga mamamayan. Ang iba ay nagpahayag na sasama sa susunod na pagkilos sa dahilang sila rin ay biktima ng karahasan at krimen. Ang iba ay namangha sa dahil sa ang One Ride One Justice ang kauna-unahang kampanya na nailunsad na nananawagan ng pagtigil sa karahasan at hustisya sa mga biktima sa buong kasaysayan ng Barangay Rizal.

Dahil dito ay nairehistro natin ang ating panawagang itigil ang karahasan sa komunidad at histisya para kay Jeff.

Makaraan ang isang linggo, umalingawngaw sa radyo, sa pamamagitan ng DZRH, ang ating pagkilos, kampany, mga panawagan at ang kaso ni Jeff. Nang sumunod na mga araw, bumuhos ang suporta mula sa iba't ibang organisasyon at indibidwal lalo't higit mula sa akademya.

Ito ay simula lamang ng ating paglalakbay sa daan patungong hustisya. Sama-sama at kapit-bisig tayo hanggang tagumpay.

"At kung sakaling ang pag-asa ay madilim;Prinsipyo namin ay hindi magbabago
Pangalan mo Jeff ay aming sasambitin;Hustisya ay aming kakamtin."