Kryeprokurorja Ina Rama hedh akuza ndaj Mediut për tragjedinë e Gërdecit-(25 Prill 2008)

Описание: Lajme Arkiva 2008

Ina Rama: “Hetimet e deritanishme kanë evidentuar të dhëna, të cilat të krijojnë dyshimin e arsyeshëm se zoti Mediu me cilësinë e ish-Ministrit të Mbrojtjes ka kryer veprime dhe mosveprime që kanë ardhur në kundërshtim me ligjin dhe me aktet nënligjore në fuqi duke shkaktuar në këtë mënyrë një mospërmbushje të rregullt të detyrës së tij. Të gjitha këto veprime dhe mosveprime konstatohet në të dhënat që ne kemi mbledhur deri tani se kanë lidhje shkakësore me ngjarjen e Gërdecit dhe gjithashtu përveç kësaj kemi të dhëna se të gjithë këto veprime dhe mosveprime në kundërshtim me ligjin janë kryer për të realizuar, për të bërë të mundur përfitimet e pa të drejta të firmave, të dy kompanive private të përfshira në këtë proces që është SAC dhe Alba-Demil.”

Ish-Ministri i Mbrojtjes, Fatmir Mediu, do t’i nënshtrohet një hetimi penal për tragjedinë e Gërdecit.
Në një konferencë të posaçme për shtyp kryeprokurorja Ina Rama deklaroi se i ka kërkuar parlamentit shqiptar heqjen e imunitetit dhe rreshtoi shkeljet ligjore që sipas saj janë kryer nga ish-kreu i dikasterit të mbrojtjes, Fatmir Mediu.

Ina Rama: “Shkeljet e konstatuara deri tani janë ato që lidhen me lejimin e kryerjes së procesit të demontimit në shkelje të akteve ligjore dhe nënligjore duke shpërfillur standardet e domosdoshme për të siguruar jetën dhe shëndetin e personave që kanë punuar aty, personave banorë rreth rajonit të Gërdecit apo dhe më gjerë. Në analizë të të gjitha këtyre të dhënave organi i akuzës ka konkluduar se është e nevojshme që zoti Mediu t’i nënshtrohet hetimit penal dhe për këtë arsye sot në Kuvendin e Shqipërisë organi i akuzës në kuptim të nenit 73, paragrafi 2 i Kushtetutës dhe nenit 288 të kodit të procedurës penale ka kërkuar nga Kuvendi i Shqipërisë të japë autorizimin për të ushtruar ndjekjen penale ndaj zotit Mediu. Urdhërimet që kanë krijuar të gjithë këtë situatë të gjithë tablo mund t’i përmbledhim si më poshtë. Gjithmonë flasim për urdhërime që kanë dalë nga ish-Ministri i Mbrojtjes. Shpërfilljen e procedurave ligjore nën nxjerrjen e akteve nënligjore të përpiluara, të nënshkruara prej tij të cilat kanë bërë të mundur që të realizoheshin kontratat për demontimin e municioneve në Gërdec, shmangia e Forcave të Armatosura nga garantimi i sigurisë të procesit të demontimit dhe nga mbikëqyrja e mëtejshme e tij në vazhdim e tij në kundërshtim me urdhërimet e vendimet e Këshillit të Ministrave nr.138 i datës 14/03/2008. Për zgjedhjen e gabuar e vendit në të cilin është bërë, është kryer procesi i demontimit, përzgjedhje e cila ka ardhur në kundërshtim me rregullimet e rregullores së Ministrit të Mbrojtjes e vitit 2003, një vend i cili është përcaktuar dhe përzgjedhur si i tillë pa u licencuar në zbatim të kësaj rregulloreje. Është lejuar nëpërmjet akteve të Ministrit të Mbrojtjes të kryhet demontim i kalibrit të madh municionesh, ndërkohë që vendimi i Këshillit të Ministrave i përdor si bazë ligjore për të gjithë këtë proces, lejon vetëm demontimin e kalibrit të vogël. Është lejuar që këtë aktivitet ta kryenin kompanitë SAC dhe Alba-Demil, të palicencuar në kuptim të rregullores miratuar me urdhër të Ministrit të Mbrojtjes të vitit 2003. Është lejuar dhënia e lejeve të eksportit për të dyja këto kompani, ndërkohë që përsëri kjo rregullore përcakton se kompani të cilat mund të kryejnë këtë aktivitet duhet të jenë të licencuara. Nuk ka iniciuar nxjerrjen e akteve nënligjore në zbatim të ligjit 9707 që daton 05/04/2007, i cili praktikisht rregullon të gjithë këtë situatë, të gjithë procesin e eksport-importeve të mallrave ushtarake, përfshirë dhe procesin e demontimit, detyrim që buronte nga ky ligj.”

Ina Rama bëri publik se numri i personave të marrë të pandehur është rritur në pesë persona duke marrë në cilësinë e të pandehurve dhe dy drejtues të lartë të shtabit të përgjithshëm.

Ina Rama: “Deri tani organi i akuzës ka marrë nën hetim në lidhje me çështjen e Gërdecit këtë individë: shtetasit Ylli Pinari, Mihal Delijorgji, Dritan Minxolli, Dashnor Çaushi dhe Sokol Gjeçi”./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/