Forgarður Helvítis - Reykjavík Deathfest - Gaukurinn 16. maí 2019

Описание: Reykjavík Deathfest - Gaukurinn 16. maí
Reykjavik Metalfest 2019 bauð til sannkallaðrar öfgarokksveislu á Gauknum í maí! þar komu fram nokkrar af bestu íslensku metal sveitunum ásamt rjómanum af því sem er í gangi í erlendu öfgarokki.

Forgarður Helvítis er íslensk grindcore-pönksveit sem var stofnuð árið 1991. Hljómsveitin hefur gefið út eina breiðskífu og nokkrar demó-upptökur. Efni frá Forgarðinum hefur komið út á fjölmörgum safn-plötum/-diskum/-spólum víðsvegar um heiminn.

Forgarður Helvítis var stofnuð árið 1991 af frændunum Vernharði og Sigurgrími. Innblásnir af grófustu framvarðasveitum rokksins á þessum tíma fengu þeir til liðs við sig frændur sína Magnús trommuleikara og Sigurð, Sigga Pönk, textasmið. Auk þess var Kári fenginn sem bassaleikari.

Fyrstu tónleikar Forgarðsins voru haldnir í kjallara Fjölbrautaskóla Suðurlands. Tónleikahald hefur löngum verið fastur en óreglulegur liður í starfsemi sveitarinnar en Sigurður Pönkari hefur í gegn um tíðina verið ötull skipuleggjari neðanjarðarrokktónleika. Þegar fram liðu stundir ílentist Kári bassaleikari erlendis svo fenginn var liðsauki í Magnúsi Pálssyni, sem reyndist einnig tilheyra frændgarði Garðverja.

Texti tekinn af wikipedia