Aai Shree Sonal Vandna- Bhagvati Bher karva | આઈ શ્રી સોનલ વંદના - ભગવતી સોનલ ભેર કરવા - પ્રવીણભા

Описание: શ્રી નીલકંઠ ઓડિયો આર્ટ અને કિશોર ભટ્ટ પ્રસ્તુત
|| આઈ શ્રી સોનલ વંદના ||
|| છન્દ હરિગીત ||
|| ભગવતી સોનલ ભેર કરવા ||
રચના અને સ્વર : પ્રવીણભા હરુભા મધુડા રાજકોટ
સંગીત : શ્રી પંકજ ભટ્ટ
વીડિયો એડિટિંગ: મયઁક ઉપાધ્યાય
રેકોર્ડિંગ :કિશોર ભટ્ટ

રેકોર્ડિંગ સ્ટુડિયો
શ્રી નીલકંઠ ઓડીયો આર્ટ રાજકોટ

|| દોહો ||
શુભ વિચાર સંસ્કાર ના,
તે તો અમને પાયા આઈ,
એથી સઘળો ચારણ સમાજ,
તોળો સદાય ઋણી સોનબાઇ.

II છંદ : સારસી II

વગડા તણી છે વાટ વહમી, વિકટ મારગ અઘરા,
ભુત-પ્રેત ડાકણ ભયંકર, ખખડતા નાળા ખરા,
બાઇ તું પકડી બાવડુ, હવે કાંઠડે મને કાઢજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે.... (ટેક) ૧

કળજુગ કેડા કાળ રૂપી, વિઘન જબરા જયા વડા,
ભેળા થઇને ભુતડા, રમતા તા રસ્તે રાહડા,
એ વખત ત્રિશુળ હાથ લઇને, એ જ ઘડીએ આવજે
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૨

ખાતુ નડે ખુટેલાઇથી, ડારો દઇને ડરાવતા,
પકડી અમુ પુરી કેદખાને, કૈક ગુના કબુલાવતા,
તરવાર લઇ અધર્મીના, કટકા કરીને કાપજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૩

ઉઠે ભયંકર આફતો, એમાં મુંજાઇ ગઇ અમણી મતિ,
સત્ ચારણોની નાવ સાગર, ભેર કરજે ભગવતી,
તારજે ત્રાપો લઇ તું, તારા બાળને બચાવજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૪

પંથ ભૂલે જો પુત્ર તો, એને સત્ય ધર્મ સમજાવતી,
ખોળે બેસાડી ખંતથી, ખીરને પુરી ખવરાવતી,
એ પય ભેળા અમુ પ્રેમથી ઉત્તમ વિચારો આપજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૫

ચારણ તણી ધીડી પરે, કોઇ મીટ જો કરી કરે,
વળી લાજ લેવાના વિચારોની, ધારણા મનમાં ધરે,
તો કામઇ બનીને નાગ કાળો, તું બાઇ એને બાળજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૬

છોરૂ અમે તું માત અમણી, સાદ સુણી થા સાબદી,
ભૂલ્યા નથી નઇ ભુલીયે, બીઠી રદયમાં રાત દી,
કરૂણાળી અમ પર કાયમી, વાલપ મેં વરસાવજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૭

કોઇને આંગણ જાચવા, ચારણ કદાપી જાઇના,
ગાતો રહે જે ગીત ગરવા, અહરનિષ એ આઇના,
વ્યસન ઇર્ષા વાદને, ભગવતી દૂર ભગાવજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૮

"પ્રવીણ” છોરૂની પ્રાર્થના, કાને ધરે કરૂણેશ્વરી,
કળજુગથી બચાવ કાયમ, અમું તું અખિલેશ્વરી,
પાંયે તમારા પ્રેમથી, રાજી થઇ મને રાખજે,
ભગવતી સોનલ ભેર કરવા, વખત કપરે આવજે,
માડી વખત કપરે આવજે,... (ટેક) ૯

|| કળશ છંદ : છપ્પય II

મહેર કરે અમ માત, તાત ત્રેય લોકની તારણ,
મહેર કરે અમ માત, ચર્ચે ગુણ તોળા ચારણ,
મહેર કરે અમ માત, વિઘન સઘળા વિદારણ,
મહેર કરે અમ માત, અહર્નિશ સત્ય ઉચ્ચારણ,
‘પ્રવીણ’ બાળ ભણતો પ્રથમ, આફત ટાણે તું આવજે,
સદાય માત તું સોનબાઇ, નારાયણી ટેક નિભાવજે.

ચારણ કવિ શ્રી પ્રવીણભા હરસુરભા મધુડા, રાજકોટ