Qoraqalpogʻistonda namoyishchilar yoqib yubormoqchi boʻlgan BTR komandirining hikoyasi

Описание: Qoraqalpogʻistonning Nukus shahrida 1-iyul kuni soat taxminan 15:00 dan boshlab ayrim fuqarolar shahar Markaziy dehqon bozorida toʻplanib, namoyishlar uyushtirdi. IIV holat boʻyicha maʼlumot berib, namoyishchilarni amalga oshirilayotgan konstitutsiyaviy islohotlarni notoʻgʻri talqin qilganini aytdi. Vazirlikning 1-iyul soat 21:25 da eʼlon qilgan maʼlumotida jamoat tartibi tiklangani alohida qayd etilgan.

Qoraqalpogʻiston Joʻqorgʻi Kengesi 2-iyul kuni mazkur holat yuzasidan rasmiy bayonot berdi. Unga koʻra, populistik shiorlarni niqob qilib olib, fuqarolarning ongi va ishonchini manipulyatsiya qilib, tartibsizliklar tashkilotchilari hokimiyat vakillarining qonuniy talabalariga boʻysunmay, respublika fuqarolarini Qoraqalpogʻiston Respublikasining maʼmuriy binolari oldidagi maydonga yigʻgan.

Shavkat Mirziyoyev 2-iyul kuni Nukusga yetib bordi. Prezident u yerda Joʻqorgʻi Kenges deputatlari, Qoraqalpogʻiston faxriylari va faollari bilan uchrashuv oʻtkazdi. Davlat rahbari unda Oʻzbekiston Konstitutsiyasining 70, 71, 72, 74, 75-moddalarini amaldagi tahrirda oʻzgarishsiz qoldirish zarurligini taʼkidlagan.

Shundan soʻng Qoraqalpogʻistonda 3-iyuldan 2-avgustgacha favqulodda holat eʼlon qilindi. Milliy gvardiya qoʻmondoni Rustam Joʻrayev Qoraqalpogʻiston Respublikasi komendanti etib tayinlandi. Hududga kirish va chiqish cheklandi. Barcha ommaviy tadbirlar taqiqlanadi.

Bugun.uz Nukusda namoyishchilar yoqib yubormoqchi boʻlgan BTR ekipaji komandiri Rustam Bobojonov bilan eksklyuziv suhbat uyushtirdi.

Nashrimizni ijtimoiy tarmoqlar orqali kuzatib boring:

Telegram: https://t.me/bugunrasmiy
Facebook: https://fb.com/bugunuzrasmiy
Instagram:   / bugunuzrasmiy  
TikTok:   / bugun.rasmiy