Operacion i rrallë në QSUT, heqin tumor 15 kg nga këmba e pacientit-(20 Korrik 2011)

Описание: Lajme Arkiva 2011

Ekipi i mjekëve të spitalit onkologjik në Qendrën Spitalore Universitare Nënë Tereza kanë mundur të heqin nga këmba e një 62-vjeçari një masë tumorale 15 kilogram.

Kjo ndërhyrje që i ka shpëtuar jetën këtij pacienti është e para e këtij lloji, e realizuar në Spitalin Universitar.

Agim Karaj: “Rasti konkret erdhi me një hemorragji të madhe dhe tumori ishte shumë i madh i ulçeruar me plagë që okuponte të gjithë kofshën, vinte deri në rrëzë të kofshës, dhe normalisht ishte i konsideruar si i paoperueshëm. Ekzistonte një teknikë e emipelektomisë së modifikuar, duke u futur nga barku. Nga lart pastaj u hoqi gjithë ekstremiteti dhe kështu që u arrit mbyllja e plagës. Biopsia del një tumor me ecuri jo shumë të keqe, por malinj dhe fatmirësisht gjëndrat që ne kemi hequr kanë dalë pa metastaza. Kështu që shpresojmë që e ardhmja e tij do të jetë shumë e mirë dhe mund të ketë një mbijetesë të shkëlqyer pa dhimbje e pa pisllëk.”

Pacienti që iu nënshtrua kësaj ndërhyrje gjatë periudhës gjashtë mujore që vuante nga tumori kishte kryer edhe tre ndërhyrje të tjera.

Adrian Bankollari: “Unë e lashë shumë pas dore, sa thashë do më ashtu. Ai u enjt. Fillimisht kur erdha, erdha me hemorragji.”

Drejtori i Qendrës Spitalore Universitare u shpreh se, pavarësisht problemeve me medikamentet, mjekët e QSUT-së janë në gjendje të kryejnë edhe ndërhyrje të tilla të rralla.

Saimir Ivziku: “Flasim për 13 mijë deri në 14 mijë, që ka qenë e gjithë kostoja për përballimin e kësaj ndërhyrje. Është një nga ndërhyrjet më të rralla. Në këtë institucion, përveç atyre gjithë halleve që përballemi çdo ditë neve jemi në gjendje që të ofrojmë ndërhyrje të një niveli të tillë që janë të një niveli botëror”.

Përgjatë vitit 1990 mjekët e shërbimit të onkologjikut kanë kryer 1350 operacione në persona të prekur nga tumoret./tvklan.al

Gazetare: Brunilda Cami

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/