Rama lë porositë dhe 2 amanete për deputetët e PS

Описание: Grupi parlamentar i Partisë Socialiste u mblodh sot, 16 janar, në Pallatin e Brigadave në prag të nisjes së sesionit të ri parlamentar. I pranishëm në këtë takim maratonë që zgjati më shumë se tetë orë ishte edhe kreu i selisë rozë, njëherazi kryeministri Edi Rama. Ky i fundit i paralajmëroi deputetët e tij për një punë voluminoze në vijim për shkak të procesit të negociatave, u la disa porosi dhe mbi të gjitha, dy amanete.

Në fjalimin e drekës, në nisje të mbledhjes, Rama u bëri të qartë deputetëve socialistë se dy vitet e ardhshme do të jenë kritike pasi vendi ka hyrë në fazën vendimtare sa i përket negociatave. Ai u shpreh se çdo draft që vjen nga Komisioni Europian duhet miratuar. Më tutje foli edhe për sektorin e prodhimit ushqimor që sipas tij mbetet ende sfidues përballë europianëve.

Ndërsa në fjalimin e darkës, pas mbledhjes së grupit, Rama u ndal më së shumti te çështjet brenda vendit. Ai kërkoi ngritjen e një grupi nismëtar për ndryshime kushtetuese, duke paralajmëruar uljen e numrit të deputetëve në Kuvend. Sa i përket opozitës, u shpreh se mazhoranca e shtrin dorën për bashkëpunim, por nuk bën dialogje me zor. Ai theksoi se socialistët do të vazhdojnë punën për të arritur objektivin për anëtarësimin e vendit në BE.

Rëndësi në fjalimin e tij mori televizioni publik shqiptar dhe Ministria e Jashtme, të cilat ua la si amanet deputetëve.

“Faleminderit për durimin. Amanet televizionin publik dhe Ministrinë e Jashtme”, tha ai.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan