Fusha e aviacionit ushtarak në Korçë mbillet me grurë nga fshatarët - (20 Nëntor 2002)

Описание: Lajme Arkiva - TV Klan 2002

Kjo është fusha e aviacionit në rrethin e Korçës, e cila i përket forcave ajrore të ushtrisë. Kohët e fundit, banorë pranë fshatit Porodinë, i kanë rrëmbyer sipërfaqes së saj rreth 5 hektarë, të cilën e kanë ndarë në parcela për t’i mbjellë ato me grurë.

Vitin që shkoi afro 10 hektarë tokë u mbollën dhe u korrën dhe askush nuk e kundërshtoi këtë veprim. Kjo ndodh për faktin, se fusha e aviacionit është braktisur gjatë viteve të kaluara. Ajo është kthyer në një autodrom dhe vend, ku po zbrazen edhe mbetje inerte.

Në vitin 1998, kur në Korçë u strehuan rreth 50 mijë kosovarë, ky aerodrom filloi të restaurohej nga forcat e KFOR-it. Më vonë punimet u ndërprenë si pasojë e mosmarrëveshjeve të tyre me pushtetarët vendor të zonës. Shkaqet që çuan në prishjen e kësaj fushe nuk shpjegohen nga policia ushtarake por edhe ajo e rendit. Ndërsa kryetari i komunës Bulgarec, nën juridiksionin e të cilës është fusha, nuk pranon të prononcohet.

Banorët e fshatit Porodinë janë urdhëruar të sprapsen nga territori i fushës së aviacionit, por në këtë drejtim nuk është hedhur asnjë hap./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/