انسام الهبايب - هبت انسام الهبايب وانا راعي هباب | خالد ال بريك | بطيء + مميز

Описание: الكلمات :

هبت انسام الهبايب وانا راعي هباب
واضهرت خافي ضميري بدون مقدمه

المطر والنار و البن الاشقر و الضباب
تلهم اللي ما لتفت في عيون الملهمه

وش تساوي ريحة الكيف مع ريح الخضاب
في يمين اللي ورى بشت ابوها مكرمه

مايقند راسي الا معاميل الزهاب
قد تعبنا من نزيف الجروح المولمه

راح وجهن مايزين حياه الا الحجاب
وانكسر قلبً من الشوق قد راح فحمه

ويش عذر المسلم اللي لعب فيه الغياب
غير جرحً ماسلم من غياب المسلمه

اه ياطيش المجانين وايام الشباب
مير دونه حكم دوله و قاضي محكمه

يالله بليلً يقض المسايل و الشعاب
والرعد مابين لجه و حنه و رزمه

في مرابي فاطرن مايعذربها العياب
لا خطفها الصوت جاتك شليل و درهمه

عوضتني عن عذاب المراهيف العذاااب
وابعدتني عن طروق الغيا و السلهمه

كل ماصديت معها تماكنت الصواب
قبل لا يصعب علاجه و يصعب مرهمه

اتعزب مع طرفها لازاد ولا شراب
غير ( درن ) ياخذ سبوع ماضاع طعمه

مير لامن جات دعوة عزيزن الجناب
يرجع الشاعر لـ حبره وفكره و قلمه

ياحضن من قمة النير اخذ رد الكتاب
واطرق ابواب الملاحم و صطر ملحمه

رزها ف القمه اللي يعانقها السحاب
وخلها بيضاً اتدف الليال المضلمه

في حجا فروخ القرانيس و فروخ العقاب
واشهبن دوبه من الجوع يرتد انسمه

لا قلطنا يابس الصيد ف حلوق الذياب
وان هرجنا يجفل الذيب و يسكر فمه

سم ياعايض سلايل مروين الحراب
واستلم ترسانة الادهم اللي بشحمه

خل وجه الليل يقدح مثل قدح الشهاب
لين من قطم العباريد ياخذ مقسمه

انت ذخر اللي على اسمه يساقن الركاب
غازي اللي ماتلوى على عرق رخمه

ماوراه الا المجوخ ومصقول النصاب
عزوتن ب السيف الاملح تقص الجمجمه

شايبن في واجب البل تغرب لين شاب
خل شاوين على الدرب يحتاش غنمه

مايوالي غير سودن مورشعها الصهاب
لا قبلت كن اشهب القاع غاشيه ضلمه

لا شملت من يم فيحان لاهاك التراب
ولا جنبت بين المشاقيق وعبال سحمه

ماتوهق ف الحظاره و تصوير السناب
ولا وقف قدم المرايه يعدّل مرزمه

يضرب الدار الخليّه عتش والا صلاب
ويتوسد بندقه و يتلحف محزمه

من تعنّز في رجاء مارجاء غير الثواب
لابتن حازت من المجد ناره و علمه

وكل قاتوله نهار المقاتل مايهاب
يرجع لـ ساسه و ساس القواتيل دهمه

الحمايا عندهم في خطا ولاّ صواب
يلزم الرجال وجهه ودمه و لحمه

والبقوم اهل المكارم مطوعت الصعاب
الفعول مدسمه و الصحون مدسمه

يرعبون اللي من الطيش مايحسب حساب
والمفوه في نحاهم يجي فيه طـرمه

ضربهم ف اهل الطرابيش صوطن من عذاب
مايبي في معجم ( الترك ) شرح و ترجممه

هم سهوم الموت ماهم سهوم الاكتتاب
لا حتمى الميقاف كلن يورّد بسهمه