თათბირი / Meeting (1996)

Описание: „1995 წლის საპრეზიდენტო და საპარლამენტო არჩევნების შემდეგ შევარდნაძის წინაშე რთულ და, ხშირ შემთხვევაში, საჩოთირო საუბრებითა და უხერხული გადაწყვეტილებებით დამძიმებული ამოცანა იდგა - მას უნდა შეექმნა ახალი აღმასრულებელი ხელისუფლების სრული ვერტიკალი. კანონმდებლები თავს თვითონ მოუვლიდნენ. მათ უკვე აირჩიეს პარლამენტის თავმჯდომარე - „მოქალაქეთა კავშირის“ გენერალური მდივანი, ზურაბ ჟვანია. პრეზიდენტის ადმინისტრაციის სტრუქტურის განსაზღვრა ფუნქციების განაწილება, ზედა რგოლების დაკომპლექტება, მინისტრთა კაბინეტის ფორმირება - ამ ყველაფერზე საბოლოო გადაწყვეტილება შევარდნაძეს უნდა მიეღო და იგი ყოველ დეტალზე დიდხანს და ინტენსიურად ფიქრობდა იურიდიულ მრჩევლებთან ერთად. აზრს ჩვენს უცხოელ პარტნიორებსაც ეკითხებოდა“...
გელა ჩარკვიანის წიგნიდან „ნაცნობ ქიმერათა ფერხული“