តើចោរឆក់យកកាមេរ៉ាព្រះភិក្ខុលួនសុវ៉ាតឫជាចោរលួចប្លន់ចង់បិទបាំងព័ត៌មានពិត???

Описание: ថ្ងៃទី១៤ខែមិថុនាឆ្នាំ២០១៤ វេលាម៉ោង៩យប់មានហេតុការណ៍មួយកើតឡើងនៅចំនុចរង្វង់មូលច្រកទ្វាព្រំដែនប៉ោយប៉ែតខេត្តបន្ទាយមានជ័យដោយមានជនសង្ស័យជាបុរសម្នាក់បានឆក់យកកាមេរ៉ាព្រះតេជគុណ លួន សុវ៉ាត ក្នុងខណ:ពេលកំពុងឈរថតនិងសម្ភាសន៍ពលករខ្មែរហើយជនសង្ស័យនោះបានរត់ទៅបានប្រមាណជា១៥ម៉ែត្រត្រូវបានប៉ូលីសរាប់រយនាក់ដែលប្រចាំការនៅទីនោះនិងប្រជាពលករខ្មែរចាប់បាននៅនិងកន្លែងកើតហេតុជាក់ស្តែង ។ ក្នុងពេលដែលប៉ូលីសកំពុងចាប់ជនសង្ស័យនោះសមត្ថកិច្ចប៉ូលីសបានដកហូតយកកាមេរ៉ាពីជននោះ ហើយព្រះតេជគុណ លួន សុវ៉ាត បានសុំបិណ្ឌបាត្រកាមេរ៉ាពីប៉ូលីសមកវិញប៉ុន្តែសមត្ថកិច្ចប៉ូលីសទាំងនោះបែជាឆ្លើយថាមិនដឹងៗៗៗៗៗ ។ ព្រះតេជគុណ លួន សុវ៉ាត បានជួបមន្ត្រីប៉ូលិសនិងអភិបាលរងខេត្តដែលប្រចាំការនៅទីនោះដើម្បីចចារសុំកាមេរ៉ាមកវិញប៉ុន្តែបែជា មន្ត្រីសមត្ថកិច្ចអាជ្ញាធរនៅទីនោះប្រើពាក្យគំរាមកំហែងចោទប្រកាន់ព្រះតេជគុណ លួន សុវ៉ាត ថាជាអ្នកខុសច្បាប់ខុសវិន័យសង្ឃទៅវិញ ដោយបានប្រើពាក្យមិនសមរម្យថា ព្រះសង្ឃគេឯងរាប់ម៉ឺនគេគង់នៅតែក្នុងវត្តចុះលោកឯងមកទីនេះធ្វើអីតែម្នាក់ឯង កន្លែងនេះមានអាជ្ញាធរមានរដ្ឋាផិបាលគេចេះចាត់ចែងហើយមិនបាចលោកឯងមករញ៉េរញ៉ៃថតរូបថតវីដេអូប្រទាក់ប្រទើសអីនៅទីនេះទេហើយខាងសមត្ថកិច្ចបានលួងលោមឲព្រះតេជគុណ លួន សុវ៉ាត ឡើងឡានទៅជាមួយគេដើម្បីដាក់ពាក្យបណ្តឹងប៉ុន្តែព្រះតេជគុណមិនព្រមទៅទេព្រោះអាចចូលអន្ទាក់ចូលល្បិចគេប្រសិនបើគេចង់ធ្វើបាបហើយព្រះអង្គថាម៉ោងនេះជាពេលយប់ចាំព្រឹកស្អែកបានទៅ ។ គួរបញ្ជាក់ថា ព្រឹត្តិការណ៍ចាប់បញ្ជូនពលករខ្មែរតាំងពីថ្ងៃទី៦រហូតមកគឺមិនដែលមានរឿងចោរឆក់បែបនេះកើតឡើងទេព្រោះប៉ូលីសរាប់រយពាន់នាក់ការពារសន្តិសុខគ្រប់ច្រកល្ហកចុះចំឡែកអីតែថ្ងៃនេះបែជាមានករណីជនសង្ស័យឆក់យកតែកាមេរ៉ាព្រះតេជគុណ លួន សុវ៉ាត ហើយបើជាចោរពិតប្រាកដ តើហ៊ានចូលទៅឆក់កណ្តាលហ្វូងមនុស្សកុះករកណ្តាលហ្វូងប៉ូលីសដែឫទេ បើជននោះក៏ដឹងដែរថាអាចឆក់កាមេរ៉ាបានតែមិនអាចរត់រួចទេហើយរិតតែចំលែកទៀតនោះគឺជននោះពេលឆក់បានហើយបែជារត់ទៅរកហ្វូងប៉ូលីសទៅវិញ ហើយប៉ូលីសដកហូតយកកាមេរ៉ាហើយមិនព្រមឲម្ចាស់គេវិញទៀត ។