დარეჯან სუმბაძე. 01. მარტის კოქტეილი

Описание: (,,მეტალის პეპელა. ჩრდილიდან", 2010, გვ. 9-21)

მარტის კოქტეილი
სიზმარი დედა 0:06
საუზმე მინაზე: სამი მარტი 1:02
ალუზია: ასიმეტრია 1:42
ალუზია: სიმეტრია 2:36
რემინისცენცია: რა ვი, ღრუბლებზე ვფიქრობდი: შუამარტი 3:28
მეტი. ანუ ერთით ნაკლები. გადამფრენები 4:17
კედელი: ოცდაერთი მარტი 8:55
მეშვიდე ცა: მამა 10:22
კოქტეილი 12:45

მარტის კოქტეილი

(მეტაბოლიტები ანტიმეტაფორებით)

სიზმარი: დედა

დაესწრო ზამთრის პანაშვიდებს
თოვლი და დადნა.
ფქვილი წისქვილში განქარდაო
ბავშვის ფეხებით.
და ისე ღრმაა
ქარნარევი ჩემიდან ვარდნა,
ვერ დააზუსტებ უკვე თვალით,
ანდა შეხებით.
გზა ერთგვარია, ახლა
რასაც არქმევ მსგავსებას.
თორემ მიწიან ზეწრებს შორის
აღარ ვეჭვდებით.
თითქოს ასეა. თითქოს – არა.
მაინც ასეა.
როცა კრისტალში ჩარჩენილი
ანაბეჭდივით
დაგვიმახსოვრებს: შეგვინახავს
მიწა და დნება
წამებით, როგორც ქრობით:
თოვლის ხელიდან გაცლით.
მაღვიძებს ბასრი მოლოდინი –
გფიცავარ, დედა.
გაღვიძებს, ღმერთო,
ანარეკლი ჩემივე განცდის.
...

ტექსტი:   / 556912484424382  
ჩემი გვერდი:   / darejan.sumbadze