សុខភាពមាត់ធ្មេញ គួរចាប់ផ្តើមថែទាំតាំងពីកូននៅជាទារកម្ល៉េះ

Описание: ភ្នំពេញ៖ សុខភាពមាត់ធ្មេញគឺជារឿងសំខាន់ ដែលត្រូវតែយកចិត្តតាំងពីទារកម្ល៉េះ។ លោកស្រី ទន្តបណ្ឌិត ជាង ម៉េងជូ នៃពេទ្យធ្មេញបស្ចិម បញ្ជាក់ថា សុខភាពមាត់ធ្មេញល្អ គឺត្រូវតែសម្អាតតាំងតែកូននៅជាទារកម្ល៉េះ ហើយជាទូទៅត្រូវសម្អាតមួយថ្ងៃ២ដង។
ការសម្អាតសម្រាប់ទារក លោកស្រីទន្តបណ្ឌិត ជាង ម៉េងជូ លើកទឹកចិត្តឲ្យប្រើ compresse desterile ដែលអាណាព្យាបាលអាចរុំនឹងចង្អុល លូកសម្អាតអញ្ចាញធ្មេញរបស់ទារក។ សម្រាប់ក្មេងដែលទើបនឹងមានធ្មេញ លោកស្រី ជាង ម៉េងជូ ណែនាំឲ្យប្រើ compresseសម្អាតដូចគ្នា ឬច្រាសដែលអាចញុកនឹងម្រាមដៃដើម្បីសម្អាតធ្មេញ និងអញ្ចាញកូនក្មេង។ ដោយឡែកក្មេងដែលមានអាយុ២ឆ្នាំឡើងទៅ ការប្រើថ្នាំដុសធ្មេញដែលគ្មានសារជាតិ ផ្លអរ៉ាយ(fluoride) ជាជម្រើសដ៏ល្អសម្រាប់ក្មេង។
លោកស្រី ទន្តបណ្ឌិត លើកទឹកចិត្តឲ្យតាមដានការដុសធ្មេញរបស់កូន រហូតដល់អាយុ ៨ឆ្នាំ ព្រោះក្មេងអាចនឹងលេបថ្នាំដុសធ្មេញចូលពោះ ដែលបណ្តាលឲ្យអាការឈឺពោះ ឬរាករួសជាដើម។ ដំណោះស្រាយភ្លាមៗ នៅពេលកូនលេបថ្នាំដុសធ្មេញចូល គឺឲ្យកូនញាំទឹកដោះគោ ឬទឹកដោះគោជូ ឬបើកូនលេបថ្នាំដុសធ្មេញច្រើន អាចធ្វើគឺត្រូវទៅមន្ទីរពេទ្យ។ នេះជាការបញ្ជាក់របស់លោកអ្នក ជាង ម៉េងជូ។

--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey