මහා කාශ්යප මහ මුණිදුන්ගේ තුන්ලොවෙහිම පවතින එකම දළදා වහන්සේ වැඩසිටින සෑ රජුන්ගේ තීන්ත ආලේප කළ අයුරු
Автор: සසුන් කෙත අස්වද්දමු - Sasun Ketha Aswaddamu
Загружено: 2025-02-28
Просмотров: 310
Описание:
අදික වර්ශාවේ වුවද ❛❛සසුන් කෙත අස්වද්දමු❜❜ මිතුරු කැල උත්සහය අත් නොහැර දින තුනක් පුරාවට මහා කාශ්යප මහ රහතන් වහන්සේගේ ජීවමාණ දළදා වහන්සේ වැඩ වසන බෙන්තර ගලපාත සෑ රජුන්ගේ තීන්ත ආලේප කිරීමේ සොදුරු අවස්තා සියල්ලෝම දැක බලා ශ්රද්ධා සිත් ජනිත කර ගනිත්වා .මේ අපගේ වීර්ය ඒකාන්තයෙන්ම අපට නිවන් පිණිසම හේතූ වේවා ...
මහා ධම්මාධිකාරී, මහා අග්රධූතාංගධාරී, මහා තෘතීය ශ්රාවක, මහා සම්බුද්ධ ශාසන ආරක්ෂක අනුබුද්ධ මහා කාශ්යප මහරහතන් වහන්සේ මහා පුරුෂ ලක්ෂණ හතකින් සමන්විත අපගේ බුදුරජාණන් වහන්සේගේ පාංශුකූල චීවරය පවා දරා වැඩසිටීමට තරම් පුණ්ය බලයක් හිමි උතුම් රහතන් වහන්සේ නමකි.
ඉතා සරල, අල්පේච්ඡ මෙන්ම හුදකලා, විවේකී , සැහැල්ලු දිවියක් ගතකළ මුන්වහන්සේගේ ශ්රේෂ්ඨ දිවිපෙවෙත, බොහෝ විට, බොහෝ සෙයින් වර්ණනා කළ බුදුරජාණන් වහන්සේ අනාගත ශ්රාවක සඟ පරපුර කාශ්යප මහරහතුන්ගේ පැවිදි ජීවිතය ආදර්ශයට ගත යුතු බව ද නොයෙක් අවස්ථාවල මතක් කළ සේක.
අනුරාධපුර යුගයේ ලක්දිවට වැඩම කර වූ මහා කාශ්යප දළදා වහන්සේට දුටුගැමුණු මහ රජතුමා සොයුරු, සද්ධාතිස්ස කුමරු ලවා සියලු අංගයන්ගෙන් සපිරි මහා විහාරයක් ඉදි කරවා දළදා වහන්සේ වඩා හිඳුවා පුද පූජා පවත්වන ලදී. පසුව දඹදෙණිය යුගයේ රජකළ දෙවැනි පරාක්රමබාහු මහ රජතුමා ආරක්ෂාව පිණිස, තුන්ලොවහිම පවතින එකම කාශ්යප දළදා වහන්සේ මෙම “බෙන්තර ගලපාත ස්තූපය” තුළ නිදන් කොට දෙව් මිනිසුන්ගේ වන්දනාමානයට මග විවර කරන ලදී.
ඉතින් පෙර සසරේ සිදුකළ අති උත්තම පිනකට කාශ්යප මහරහතන් වහන්සේගේ ජීවමාන දළදා වහන්සේ වැඩ වසන මෙම ස්තූපය මනාව පිරිසිදු කරමින් ,පිළිසතර කරමින් ඉතාම ශ්රද්ධාවෙන් යුතුව තීන්ත ආලේප කිරීමේ දුර්ලභ අවස්ථාව අප සැමට උදා විය. අධික වර්ෂා කාලයක වුවද අප සෑමවිටම මහරහතන් වහන්සේ ගේ ගුණ සිහි කරමින් ම මෙම වර්ෂාවට අපගේ වීර්ය හීන වන්නට නොදී දින තුනක් පුරා මෙම අසිරිමත් පිංකම අප සැම එක්වී සිදු කරන ලදී. ජීවිත කාලයේදී ම අපට මහා කාශ්යපයන් වහන්සේට මෙතරම් උපස්ථානයක් සිදුකර ගැනීමට නැවතත් අවස්ථාවක් උදාවේ යැයි සිතිය නොහැක. ඉතින් ඉතාම ශ්රද්ධාවෙන් දින ගණනාවක් සිදුකළ මෙම අසිරිමත් තීන්ත ආලේප කිරීමේ පුණ්ය කර්මයෙන් රැස් වූ පුණ්ය ධර්මයෝ මේ සඳහා මූල්ය දායකත්වය දැරූ අසංක රාජපක්ෂ අයියා ඇතුළු කල්යාණ මිතුරන්ටද අප්රතිහත කැපවීමකින් දින ගණනක් කාය පූජාවෙන් සම්බන්ධ වූ ❛❛සසුන් කෙත අස්වද්දමු❜❜ මිතුරු කැලට ද බෙන්තර ගලපාත විහාරයේ විහාරාධිපති ස්වාමීන් වහන්සේ ඇතුළු සියලු ස්වාමීන් වහන්සේලාට ද රැස් කළ සියලු පින් අනුමෝදන් කරන අතර සියලූම පුණ්ය ධර්මයෝ පින් කැමති සියල්ලන් හටම නිවන් පිණිසම හේතු වේවා !
❛❛සසුන් කෙත අස්වද්දමු❜❜ පින්කම් සඳහා ශ්රමයෙන් සම්බන්ධ වීම සඳහා.
අමතන්න ඉසුරු – 0715945477
Повторяем попытку...
Доступные форматы для скачивания:
Скачать видео
-
Информация по загрузке:
