Il-Ħassiela Tal-Platti

Описание: L-ewwel single ta' Karmaġenn; b'antiċipażżjoni tal-album li se joħroġ iktar tard din is-sena.

Lirika:

L-Iklin
Familja tal-business jieklu fuq siġġijiet tal-plastik
Quddiem ħanut tal-pizza eżatt f'nofs il-bypass
Fuq wara tal-kċina, Musa u Mourid jaħslu l-platti

Jeanelle
Li tahdem mal-bar għax insistiet li s-sid iħalliha
Titnejjek ma' Mourid u max-chef, fuq platt spaghetti nofsu mikul

Mourid jiċċraccra mal-oħrajn, jimmuttetta b'sarvetta taht il-għajn
U Musa wiċċu serju, jaqla l-ħmieg minn fuq il-fdalijiet
Għadu naqa ġdid, mhux bħal Mourid li jfittet naqa inbid
Ta' barra b'żaqq imfattra, Jeanelle jgħajtilha Tony

Tirritorna pizza
Jeanelle tgħaddiha lix-chef; jgħidilha, 'Tiha 'l iswed'
Issaqsih liem, jgħidilha, 'Mhux Mourid, l-ieħor'.
Tony, is-sid, imur isaqsi hux kollox sew

Fis-saghtejn
Tony se jwassal lil Jeanelle, meta tara lil Musa u lil Mourid
Telqu bil-mixi lura 'l Marsa
Jeanelle tgħid, 'Ara dawk'; Tony jifqilhom u joffrilhom lift
Flimkien jiżżerzqu mit-toroq

Imkissrin
Afrodite f'dar imwaqqa imdawra bil-ġibs u l-kaxxi tat-tuffieħ
Mourid ukoll sar kwiet
Imma Musa jitbissem waħda lil Jeanelle

Jgħidulhom fuq il-birra li kienu jipproduċu d-dar
Is-Sibtijiet meta kienu jmorru s-suq ibigħhu għall-patrun
U Tony jieqaf quddiem dar tal-ħamsinijiet
Hemm għoxrin jgħixu fiha; Jeanelle tiskanta, Mourid jibqa kwiet

Id-dar
Inżul ix-xemx fil-Park & Ride
Driver b't-shirt tal-Gucci u xagħhra bil-coconut oil
Tpejjep hdej l-uffiċju

Mużika ta' Noah Fabri.