Shqiptarët me higjienë të ulët, lahen maksimumi 2-3 herë në javë-(11 Mars 2012)

Описание: Lajme Arkiva 2012

Kolegu i zyrës është shumë profesionist, por ka një të metë të vogël, era që mban është mbytëse, sepse lahet shumë rrallë. Je përpjekur disa herë t’ja thuash por është shumë e vështirë. Kjo është një situatë që gjithsecili nga ne e ka ndeshur, në rrugë, në autobus, teksa takon një nga mik apo mikeshë të vjetër, në ministri, në parlament, në prokurori, në polici, në gjykatë apo në një firmë private.
Pyetja që lind është a lahen shqiptarët dhe sa herë në javë?
Edian Gjoni: “Kemi realizuar më shumë se 100 intervista në rrugë të kryeqytetit duke i pyetur qytetarët e Tiranës se sa herë në javë lahen. Me vullnetin e tyre të lirë 80% e të intervistuarve shprehen se lahen një ose dy herë në javë.”
Qytetar 1: “Dy herë në javë.”
Qytetar 2: “Dy herë në javë.”
Qytetar 3: “Lahem dy herë në javë.”
Qytetar 4: “Tre herë në javë.”
Qytetar 5: “2 herë.”
Qytetar 6: “4 ditë herë.”
Qytetar 7: “Po 2 herë.”
Qytetar 8: “Unë 1 herë në javë.”
Qytetar 9: “ 2 herë në javë.”
Qytetar 10: “Më bie të lahem 2 herë në muaj.”
Qytetar 11: “Tre, katër po.”
Qytetar 12: “Dy, tre herë në javë.”
Qytetar 13: “Dy herë në javë.”
Qytetar 14: “Dy herë.”
Qytetar 15: “Tre herë po them.”
Qytetar 16: “Dy herë në javë.”
Fillojmë nga koka, flokët janë shumë të rëndësishëm, si për femrat ashtu edhe për meshkujt. Sigurisht ata që nuk janë tullacë. Nëse harron t’i lash shumë shpejt bëhet me yndyrë dhe mbajnë erë të keqe.
Ardi Borova, parukier e stilist profesionist, pranon me keqardhje se klientët që i lajnë rrallë flokët ka ndeshur shumë në këto 20 vitet që ai punon në Tiranë.
Edian Gjoni: “Zoti Borova ju keni vite që punoni si parukier, stilist, profesionist në Tiranë, a ju rastis që klientët që vijnë në sallonin tuaj kanë probleme. Vijnë për të rregulluar flokët por në fakt kanë kokën e palarë?”
Ardi Borova: “Relativisht ka njerëz nga ata të cilët e neglizhojnë ose i duket më e arsyeshme për të lënë një periudhë të caktuar kokën e tyre të patrajtuar do ta quaja unë. Dikush që ka probleme me yndyrën apo dikush që ka probleme me zbokthin apo dikush që ka probleme me flokun e thatë, duke kaluar ditët ajo jo vetëm që mbart papastërtira, por mund të shkaktojë dhe probleme të ndryshme. Pra përveç faktit higjenik dhe viziv, krijon dhe probleme të brendshme të cilat pastaj duhen trajtuar dhe duhen kuruar. Rrallë herë po ndodh që ka.”
Qendrat estetike SPA janë përhapur së fundmi edhe në Tiranë, shumë të kushtueshme dhe jo për xhepin e çdo njeriu. Hidromasazh, trajtim fytyre dhe trupi, palestër, sauna, masazhe shumë luks e të tjera për të patur një trup perfekt.
Edhe këtu estetistja thotë që vijnë për t’u relaksuar, por ndodh që klientët të mbajnë edhe erë të keqe.
Marjana Kroi: “Në këtë qendër normalisht ne kemi një klientelë që është shumë e rregullt, një klientelë që me të vërtetë ka higjienë, por në mes tyre normalisht kemi dhe klientelë që kanë probleme me higjienën. Kjo gjë ndodh, më tepër e shohim tek masazhet sepse aty është komplet trupi edhe normalisht shohim që ka klientelë me probleme nga mospasja e një higjiene të rregullt, duke filluar nga aroma jo e këndshme e këmbëve, e trupit, kështu që ndodh, ndodh edhe kjo gjë që kemi klientelë të tillë që ka probleme.”
Tirana nuk është gjithë Shqipëria. Menduam se në kryeqytet do të kishim përgjigje më pozitive. Po kërkonim njerëz që lahen çdo ditë dhe duket se jemi pafat. Nga personat e intervistuar numri rekord është ky.
Qytetar 17: “Pothuajse përditë, ujë të rrjedhshëm kemi shyqyr zotit.”
Largohemi nga Tirana dhe hidhemi në zemër të Bathores për të parë situatën në periferi.
Edian Gjoni: “Ashtu si në qendër të Tiranës edhe në periferi në zonën e Bathores, pyetjes standarde sesa herë në javë laheni, banorët e kësaj zone në 18% të rasteve përgjigjen se lahen një herë ose dy herë në javë.”
Këtë herë në Bathore askush nuk na ankohet për rrugë të prishura dhe mungesën e ujit. Pyetja është e njëjtë, sa herë në javë laheni?
Qytetar 18: “Një herë.”
Qytetar 19: “Me të thënë atë burrnoren se është edhe turp, qysh verën e kalume s’jam larë.”
Qytetar 20: “Dy herë.”
Qytetar 21: “Tre.”
Qytetar 22: “Një herë në javë lahemi.”
Qytetar 23: “Dy herë në javë.”
Qytetar 24: “Pjesë, pjesë.”
Qytetar 25: “Dy herë në javë.”
Qytetar 26: “Tre, katër herë në javë.”
Të lahesh çdo ditë mësohet që në klasën e parë. Mund të përtosh për tu larë, por kjo sjell edhe pasoja. Mjekja dermatologe Monika Fida shpjegon se çfarë ndodh me lëkurën nëse nuk lahemi në mënyrë permanente./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/