Inti Raymi 2017 - Desde la Mansión Sagrada Qoricancha, el Inca saluda reverente al dios Sol

Описание: ¡A qhapaq apu Inti, taytayku! ¡Atipayniyoq Inti, wiñay kusi sami qoq q´oñiq pukyu, kausaypa qallariynin! Qosqopi, kay willka wasiykimanta pachan. Killawan, Illapawan, Qhaqyawan ima tiyasqaykimanta, Tawantinsuyupi tiyaq wawaykikunan, raymiyki p´unchawpi, ullpuykuspa napayamuykiku.
Kunanri, munasqay willka Qosqo llaqta runakuna huñuykusqa Haukaypataman puririsun, chaypi qhapaq Intita yapaychamusun, llapan amaqenchis aukikunatapas; hinamanqa, Saqsaywaman hatun pukaraman wicharisun. Chaypin Inti taytanchispa ancha hatun munayninta reqsimusun. ¡Hakuya, kusikuywan, suyakuywan ima puririsun!

¡Oh dios Sol, padre! ¡Poderoso Sol de felicidad eterna, cálida fuente, principio de vida! Desde ésta tu mansión sagrada del Cusco, donde habitas con la Luna, el Rayo y el Trueno, tus hijos del Imperio de las Cuatro Regiones te saludamos reverentes en tu día jubilar.
Ahora pueblo amado de la ciudad sagrada del Cusco marchemos juntos al Haukaypata para venerar al dios Sol y a todos los que nos protegen y luego, ascender hasta la atalaya del Sacsayhuaman. Allí conoceremos la voluntad suprema de nuestro padre, el Sol, gran y poderoso. ¡Vamos, con ilusión y esperanza!.