Klan News - 400 mijë vizitorë në Parkun Divjakë-Karavasta

Описание: Shtigjet e Parkut Kombëtar Divjakë-Karavasta janë kthyer në atraksion turistik për vendasit dhe të huajt.
“Shtegu i Pelikanit”, në gjatësinë prej 3.3 km, është përshkuar këtë fundjavë në këmbë nga qindra qytetarë.

Kjo zonë ka të veçantë bimësinë e dendur dhe shpendët e egër të habitatit natyror.

"Këtë shteg e pershkrojmë shumë shpesh sepse ne ndjejmë kënaqësi rreth natyrës, kalojmë kohë pranë njëri-tjetrit, afër pemëve, afër lagunës", tha një i ri.

"Na ndihmon të marrim energjinë e natyrës, asaj që na rrethon", shton një e re.

"Unë e ndjej veten me fat faktikisht që jam banore e qytetit të Divjakës dhe shpesh, për të mos thënë çdo javë, shëtisim familjarisht në shtegjet e ndryshme të pyllit", tha një qytetare.

Bashkia e Divjakës apelon për mbajtjen pastër të kësaj lagune.

"Ajo që po bëjmë tashmë është mirëmbajtja e këtyre shtigjeve. Thjesht mirëmbajtje, një krasitje e vogël që të lejohet këmbësori dhe biçikleta për të ecur. Gjithashtu, shikoni pas nesh është një urë e cila është dëmtuar dhe do mundohemi që kjo urë të riparohet së shpejti që t'i japim mundësi banorëve të tjerë të kalojnë edhe përtej", u shpreh Josif Gorrea, kryetari i Bashkisë Divjakë.

Deri tani, Parku Kombëtar Divjakë-Karavasta është vizituar nga 400 mijë turistë vendas dhe 209 mijë turistë të huaj.

Klan News
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan