Gjergji Mani - “Aria e Lekës” nga opera SKËNDERBEU e Prenk Jakovës (MIK Festival 2025 by Inva Mula)

Описание: “Aria e Lekës” nga opera SKËNDERBEU (Viti 1967)
Muzika: Prenk Jakova
Libreti: Llazar Siliqi,
Dirigjent: Eno Koço
Orkestra Simfonike e Forcave të Armatosura

Në vitin jubilar të 90-vjetorit të lindjes së tij, MIK Festival i kushton edicionin e tetë një prej figurave më të mëdha të artit vokal shqiptar: tenorit legjendar Gaqo Çako, Artist i Popullit, zë i pazëvendësueshëm i skenës operistike kombëtare. Ky koncert-homazh është një udhëtim emocional dhe artistik në jetën dhe veprën e një këngëtari që i përkiste një bote më vete. Zëri i tij me timbër “kadife”, i mbushur dritë dhe ndjenjë, ka shoqëruar breza të tërë dëgjuesish në opera, koncerte, radio dhe televizion, duke u shndërruar në burim kënaqësie, mallëngjimi dhe admirimi të thellë.
Përmes materialeve arkivore origjinale, kujtimeve personale dhe interpretimit të veprave që shënuan karrierën e tij të jashtëzakonshme, kjo mbrëmje sjell për herë të parë së bashku kolegë, studentë, familjarë dhe artistë lirikë nga brenda dhe jashtë vendit. Rikthimi në skenë i artistes Tatjana Kora Elmazi, si dhe pjesëmarrja e emrave të njohur të muzikës shqiptare, e bëjnë këtë koncert një ngjarje unike në historinë e festivalit. Nën drejtimin artistik dhe prezantimin e Inva Mulës, në formën intime të një bashkëbisedimi në një shtëpi karakteristike korçare, koncerti shpalos dimensionin njerëzor, artistik dhe shpirtëror të Gaqo Çakos një tenor që këndoi me pasion, dashuri dhe fisnikëri, dhe që mbetet përgjithmonë një nga yjet më të ndritshëm të kulturës shqiptare.