SUYU GÜNÜN BU SAATLARINDA İÇİN - Rus Həkimlərin Müalicə Üsulu

Описание: #BirBax #xalqtəbabəti #sağlamlıq
#su #sovet

Sosial şəbəkə hesablarımız:
İnstagram:  / birbax_official  
Facebook:  / birbax1  
Tik-Tok:  / xeyalenin_saati  

Suyu günün hansı saatlarında içməliyik? Yeməkdən əvvəl yoxsa sonra, isti yoxsa soyuq? Bu gün su içərkən etdiyimiz səhvlərdən danışacam. Suyu doğru şəkildə necə içmək lazımdır? Sualına videomuzda cavab tapacaqsınız. Diqqət ekrana.

Gündəlik həyatın təlaşı bəzən bizə lazımi miqdarda su içməyi unutdurur. Ya da içdiyimiz çayı, kofeni, şirəni, yaxud alkoqollu içkini maye normamız daxilində sayırıq. Nəticədə, orqanizm dehidrasiya yəni, su itirilməsi yaşayır. Normalda kişi orqanizmində suyun balansı 55-65%, qadınlarda isə 70% olmalıdır. Əgər bu rəqəm aşağı düşərsə, bəzi problemlər yaranır.

Maye balansının pozulması yorğunluqdan tutmuş, diqqət dağınıqlığı, baş ağrısı, böyrək funksiyalarının pozulmasınadək aparıb çıxarır. Gün ərzində 9-13 stəkan su içmək lazımdır. Stəkan sayı insanın yaşına, cinsiyyətinə, həyat tərzinin aktiv və ya oturaq olmasına görə dəyişir. Maye balansı orqanizmin öz temperaturunu tənzimləməsinə də kömək edir. Lazımi qədər su olmasa, həzm prosesi də istədiyimiz kimi baş tutmaz. Susuzluq bağırsaq hərəkətliliyini azaldaraq qəbizliyə yol açır. Dərimizə də nəmlik lazımdır ki, bu da içdiyimiz sudan qaynaqlanır.

Mütəxəssislər deyir ki, insan özü gündəlik su qəbulunu nəzarətdə saxlamalıdır. Əgər özünüzə qoyduğunuz normadan az su içirsinizsə, təcili qaydaları dəyişməlisiniz. Orqanizm susuzluq çəkməməlidir! Əgər su içməyi unudursunuzsa, zəngli saat alın, onu qurun, sizə su içməli olduğunuz vaxtı xatırlatsın. Bir də görəcəksiniz ki, nizamlı su içmək vərdişi qazanmısınız.

Adi su içmək sizi yorursa, suya meyvə dilimləri, giləmeyvə dənələri, hətta nanə kimi ətirli bitki yarpaqları da ata bilərsiniz. Bunları edəndə sevgiylə edin. Su orqanizmin işləməsi üçün ən təməl ehtiyacdır. Sağlam, enerjili, gümrah, düşünərək yaşamaq istəyirsinizsə, suyu seçin!

Su hüceyrələri qida və oksigenlə təmin edir;
Oynaqları elastikləşdirir;
Ağrıları azaldır;
Tüpürcək və bəlğəm yaradır ki, hər ikisi orqanizmin özünütəmizləmə mexanizminin parçasıdır;
Dərinin vəziyyətini yaxşılaşdırır;
Təzyiqi nizamlayır;
Hərəkətliliyi artırır;
Böyrək xəsarətinin qarşısını alır;
Arıqlamağa kömək edir;
Ürək-damar funksiyalarını qoruyur;
Orqan və toxumaların sağlamlığının keşikçisidir;
İnfeksiya riskini azaldır, mövcud infeksiyanın öhdəsindən gəlməkçün orqanizmin dəstəkçisidir;
Elektrolit balansını qoruyur;
Qəbizliyin qarşısını alır;
Baş ağrısını yox edir;
Ödəm və şişkinliklərin yox olmasının səbəbkarıdır;
Zehni funksiyaları inkişaf etdirir;

“İnsan ac yaşayar, amma susuz yaşamaz” deyimini, çox güman ki, eşitmisiniz. Suyun miqdarı haqqında yenidən xatırlatma edim: yaşından, cinsiyyətindən, xəstəlik tarixçəsindən asılı olaraq, gün ərzndə 9-13 stəkan su içməliyik. Bu miqdar qadınlarda hamiləlikdə 300 ml, uşaq əmizdirirsə, 700 ml daha çox olmalıdır.

Hər öynə yeməkdən sonra bir az piyada gəzməyə çalışın ki, içdiyiniz suyun köməkliyi ilə böyrəyiniz daha yaxşı işləsin. Sidiyə çıxma istəyini heç vaxt boğmayın və sidiyə getməyə gecikməyin. Bir məqam da var ki, yeməyin üstündən bol-bol deyil, müəyyən miqdarda su için. Bolluca suyu öynələrarası zamanlarda qəbul edin. Yeməyin üstündən içilən bol miqdarda su həzmi çətinləşdirə bilir. Xüsusilə, yağda həll olan vitaminlərin mənimsənilməsində problem yaranır.

İçdiyiniz suyun təmizliyindən də əmin olun. Həddən artıq soyuq su mədə-bağırsaq traktında problemlər yarada bilir. Otaq temperaturunda olan suyu içməyə üstünlük verin. Bir də, suyu heç vaxt birnəfəsə başınıza çəkməyin. Məhəmməd Peyğəmbərin suyu udum-udum, ən azı, 3 dəfədə içməyi tövsiyə etdiyinə dair rəvayətlər var. Demək, peyğəmbər də suyun şəfasından xəbərdarmış.

Suyun içilməsi üçün ən ideal zamanlar hansılardır? Səhər oyandıqda 1 stəkan ilıq su içmək faydalıdır. Metabolizma hərəkətə keçir. Yapon mədəniyyətində səhərlər isti su içmək adəti var. İsti, ən yaxşısı, ilıq su ilə günə başlamaq orqanizmin artıq yağlardan qurtulmağına da kömək edir.

Orqanizm susuz qaldığında bəzi işarətlər “göndərir”:
-ağızda quruluq olur;
-halsızlıq yaşanır;
-baş ağrısı peyda olur;
-sidiyin rəngi tündləşir;

Bu halın hər hansı biri yaşanırsa, həmən su için. Amma birnəfəsə deyil, asta-asta, udum-udum. Yeməkdən yarım saat əvvəl, yaxud 1 saat sonra ən ideal su içmək vaxtıdır. Tər suyun orqanizmdən xaric olunmasının ən bariz yoludur. İdmanla məşğul olarkən, hər hansı fiziki işlə məşğul olduğunuz zaman özünüzə su fasiləsi verin. Saatla orqanizmi yorub, sonra qəfil bol miqdarda su içsəniz, mədə-bağırsaq problemləri yaranar, hətta qarın boşluğunda köp əmələ gələr. İdman etdiniz, ağır fiziki iş gördünüz? Həmən duş kabinəsinə girməyin. Əvvəlcə, su için ki, qan təzyiqiniz normallaşsın. Yoxsa duş kabinəsndə özünüzdən gedə bilərsiniz.