KIAL - SLN feat. Tuglaks

Описание: Verse 1:

Balita? Buhay pa din, yung iba wala na, sa isip ang mga bagay na noon ay gumagana

tulog sa masalimuot na gabi ginising ng bagong umaga pwede bang magpatabi ng ala-ala,

Kukunin ko na lang ulit pag ang lungkot ay nangulit tingnan ang dati habang ang mga mata'y nakapikit

Katwiran, hanggat tumitibok ang puso ay pilitin mong masulit pagkakataong buo pa at dikit

Hindi mo masasabi kung kailan magwawakas, kung hanggang saan at kung hanggang kailan ka malakas,

Haharap, sa imaheng tagapagligtas
Mahaba man ang pisi ng buhay pag oras na biglang mapipigtas

Walang panlaban kundi, salapi kung gusto pang madugtungan ang araw na nalalabi ay, babayaran

Materyal na mundo ay para lamang sa mayaman kung mahirap ka't naghingalo handa ka nang pabayaan

Chorus:

Ang buhay maiksi lang, kaya gawin mo na lahat ng nais mong gawin
lungkot man o kasiyahan, ang madarama buong buo mong tanggapin
malay mo ang maganap bukas, makalawa
kwento ka na lang sa paghinto ng paghinga
kaya gawin mong may say-say ang buhay
hanggat nasayo pa

Verse 2:

Mga kasama sa pagtawa sa kwentuhan at kulitan,
Walang paa-paalam, bigla na lang lilisan
Sa isang iglap ay parang, dumadalas ang minsan
Pumanaw na si Phatdee, si weedz at kuya reagan,

Kumpare kaibigan kapatid ang misyon,
Tuparin ang pangarap gumanap sa kung ano ang ambisyon,
Tanggapin na lang pag si kamatayan may imbitasyon
Malay natin baka masarap ang handa, pata at lechon

Mga gawa'y may kalakip na pagpuna't reaksyon
Ilusyon lang ang kalayaan sabi ng limitasyon
Walang perpekto pero may tama sa mali may leksyon
Panindigan mo lang ang bawat napiling desisyon,

Maging tapat, sa pag-ibig kahit na wala kang malay mundo ay ayaw sayo, ano pa mang ialay

Maghintay ka sapagkat, magbabago din ang pakay,
Mahal ka ng lahat pagdating ng huli mong lamay

Chorus:

Ang buhay maiksi lang, kaya gawin mo na lahat ng nais mong gawin
lungkot man o kasiyahan, ang madarama buong buo mong tanggapin
malay mo ang maganap bukas, makalawa
kwento ka na lang sa paghinto ng paghinga
kaya gawin mong may say-say ang buhay
hanggat nasayo pa

Outro:

Patas ba ang lumikha sapat ba ang ibinigay?
Dapat lang ba tayo dito sa kung san tayo nilagay?
Ito ba ay mundo lang ng pagsubok kailangang sumabay?
Bakit ang hirap mabuhay ang dali lang mamatay?

Composed by: KIAL and Tuglaks
Beat Produced by: Sparo (Hoodlum Records)
Recorded at Tambayan Records
Mastered by: Syper One

KIAL 1998 ep album