Erkin Sidiq: Nöwettiki Weziyet Heqqide (186) — 2026-1-24

Описание: “Istanbulda 20 Leksiye—2026” paaliyitining waqit pilani:
2026-01-31: Abstraktni tapshurush
2026-03-31: Maqalini tapshurush (Abstrakt bahalashtin otkenlergila qaritilghan)
2026-06-30: Maqalilarni kitabqa teyyarlap bolush
2026-08-15: Kitab hojjitini teyyar qilip bolush
2026-09-15: Kitabni basturup bolush
2026-09-19/20: Ikki kunluk leksiye

= ========================================= =
Uyghur Projékt Fondining “Istanbulda 20 Léksiye—2026” Paaliyiti Heqqidiki Uqturishi
2025-yili 12-ayning 15-küni

Uyghur Projékt Fondi 2026-yili 9-ayning 19- we 20-künliri (Shenbe we Yekshenbe) "Istanbulda 20 Léksiye—2026" paaliyitini ötküzidu. Bu léksiye pa’aliyiti üchün hazirdin bashlap ammiwi taratqularda maqale ewetish chaqiriqi chiqirilidu (tepsilati üchün töwen’ge qarang). Bu pa’aliyet üchün maqalisi tallan'ghan aptorlardin 10 - 20 kishi Istanbulgha kélip, 30 – 45 minut léksiye sözleydu. Tallan'ghan maqalilerning toplimi “Dewr we Biz—2026” dégen isimda bir kitab qilip neshir qilinidu.

Bu paaliyet 2023- we 2024-yili ötküzülgen “Istanbulda 20 Léksiye” dégen paaliyet bilen asasen oxshash bolup, bu pa’aliyet heqqidiki muhim nuqtilar töwendikiche:

[1] Bu paaliyette bügünki dewrde chet elde yashawatqan Uyghur ziyaliylirining milletni terbiyilesh we yéteklesh jehettiki eqliy küchining namayendisi wujutqa keltürülidu.
[2] Maqaliler "Uyghurlar nöwette duch kelgen mesile we teqdirler, ularning kélip chiqish sewebliri, we ularni hel qilishning chare-tedbirliri" ni, hemde xitay kompartiye hakimiyiti yiqilsa Uyghurlargha qandaq purset we tehtidler kélidighanliqini asasiy mezmun qilidu.
[3] Özi yazghan maqalidin bashqa, bashqa tillardiki Uyghurgha paydiliq bolghan dangliq kitablarning mezmuni asasida teyyarlghan'ghan maqalilermu qobul qilinidu.
[4] Maqalide öz ismini emes, bir texellus ishletsimu bolidu.
[5] Kitabqa léksiyige kélelmeydighan aptorlar yazghan, emma bahalashtin ötken maqalilarmu kirgüzilidu.
[6] Maqalining hejmi A4 qeghizide 5 - 20 bet ichide bolidu.
[7] Aptorlar aldi bilen 2026-yili 31-Yanwarghiche maqale témisi we Abstrakt (maqalisining asasiy mezmuni) ni yézip ewetidu, uning uzunluqi yérim bettin bir betkiche bolidu.
[8] Chet elde chong bolghan Uyghur perzentliri maqalini In’glizche yazsimu bolidu. Eger In’glizche maqalining sani yéterlik derijide köp bolsa, uni ayrim kitab qilip chiqirimiz. Ehwalgha qarap, maqalilar Uyghurchighimu terjime qilinidu.
[9] Hemme qérindashlar bu purset aldida barawer bolghachqa, biz héch kimge maqale teyyarlash heqqide ayrim “Teklipname” mangdurmaymiz. Shunglashqa chet eldiki ziyaliylardin “Manga teklip ewetmeptu”, dep oylimay, bu ishqa aktip halda töhpe qoshushini soraymiz.
[10] Maqalilarni közdin kechürüsh üchün bir 3 kishilik "Tallash Guruppisi" qurulidu, yollan'ghan Abstrakt we maqalilerni eshu guruppa tekshürüp testiqlaydu.

“Abstrakt” ni Erkin Sidiqqa élxet ([email protected]), Féyisbuk, WhatsApp qatarliq yollar bilen ewetip bersingiz bolidu. Rehmet!